Þriðja kynslóð af Formúla E bílum er fljótasti rafkappakstursbíll sögunnar

Fyrstu keppnirnar þar sem þriðja kynslóðin verður notuð er undir lok árs á níunda tímabili Formúlu E. Bíllinn hefur verið sérstaklega hannaður til að keppa á götubrautum. Sjö lið eru samningsbundin til að taka þátt, DS, Jaguar, Mahindra, Maserati, Nio, Nissan og Porsche. Þá munu Andretti, Envision og Techeetah.

Alþjóða akstursíþróttasambandið FIA segir að bíllinn sé það besta sem gerist í frammistöðu, skilvirkni og sjálfbærni.

Myndband af YouTube rás FIA.

Mótorinn í þriðju kynslóðinni er 470 hestöfl og með honum mun bíllinn geta náð yfir 320 km/klst. Bíllinn er einnig fyrsti formúlu kappakstursbíllinn sem er með aflrás bæði að framan og aftan. Bíllinn getur endurhlaðið inn á sig allt að 600kW við hemlun. Meira en tvöfalt meira en núverandi kynslóð. Þá er bíllinn einnig fær um að hlaða inn á sig 600kW á meðan á keppni stendur.

Sjálfbærni hefur aukist við hönnun bílsins. Rafhlöður verða endurunnar og endurnýttar þegar þær eru ekki notaðar í keppni lengur. Lín og endurunnar koltrefjar eru orðin stór hluti af efninu sem fer í yfirbygginguna. Eitt af markmiðum hönnunar nýja bílsins er að minnka kolefnisspor bílsins um meira en 10%. Um 26% af dekkjunum mun vera gert úr náttúrulegu gúmmí og endurunnum trefjum.

„Gen3 sýnir metnaðarfulla þriðju kynslóð Formúlu E og ABB FIA formúla E heimsmeistaramótsins,“ sagði stofnandi og stjórnarformaður mótaraðarinnar Alejandro Agag. „Með hverri kynslóð af kappakstursbíl höfum við farið að ystu mörkum þess sem er mögulegt í rafmagns tækni og ýtt lengra og lengra, þriðja kynslóðin er okkar metnaðarfyllsta verkefnið okkar hingað til,“ bætti Agag við.

„Augu heimsins eru á Mónakó ePrix keppninni og við erum stolt af því að kynna bílinn sem við höfum verið tvö ár að þróa þennan bíl og að kynna hann í mótorsporti. Þakkir mínar eru til teymisins sem eru að stendur að baki bílnum, bæði hjá Formúla E og FIA. Framtíð rafkappaksturs er björt,“ bætti Agag við.