Nýtt Sportveiðiblað komið á sölustaði

Meðal efnis í blaðinu er við tal við goðsögnina Pétur Steingrímsson í Nesi en það eru 80 ár síðan hann landaði fyrsta laxinum sínum á flugu mog var um áratugaskeið leiðsögumaður við Laxá í Aðaldal. Oddur C. G. Hjaltason skrifar samantekt um Veitt og sleppt sem í dag er að verða sífellt algengara í ám landsins en árangur af þessari breytingu í venjum Íslenskra veiðimanna er að verða óumdeildur þar sem mældur árangur sýnir það svart á hvítu.

Einar Páll Garðarsson eða Palli í Bendir eins og hann er betur þekktur í dag fer yfir veiðiferilinn sem spannar áratugi. Páll fer yfir breytingar sem hafa orðið á veiðimarkaðnum síðustu árin og segir sögur bæði af skot og stangveiði en í báðum þessum málum hefur hann frá ansi mörgu skemmtilegu að segja.

Hafsteinn Reykjalín segir frá veiðum sínum í Vatnsdalnum, Geir Þorsteinsson segir sögur af fiskum, veiðidrottningin Helga Gísladóttir fer yfir veiðiplönin sín í sumar en hún var 70 daga við veiðar sumarið 2021 og ætlar að gera betur í sumar. Þetta og margt fleira fyrir veiðimenn í nýju tölublapi af Sportveiðiblaðinu.