Handbolti

Ragnheiður heim í Hauka

Runólfur Trausti Þórhallsson skrifar
Ragnheiður Sveinsdóttir snýr aftur á Ásvelli.
Ragnheiður Sveinsdóttir snýr aftur á Ásvelli. Haukar

Handknattleikskonan Ragnheiður Sveinsdóttir hefur samið við Hauka á nýjan leik eftir tveggja og hálfs árs dvöl hjá Val á Hlíðarenda. Hún varð bikarmeistari með Val á síðustu leiktíð en hefur nú ákveðið að snúa á heimaslóðir. 

Hin 28 ára gamla Ragnheiður er uppalin á Ásvöllum í Hafnafirði og snýr nú aftur eftir erfiðan tíma hjá Val. Hún sleit krossband í hné síðla árs 2020 og var tæpt ár frá keppni. 

Hún sneri til baka síðasta haust og hjálpaði Val að landa bikarmeistaratitlinum. Valskonur töpuðu naumlega fyrir Fram í úrslitum Íslandsmótsins.

Haukar greindu frá vistaskiptum Ragnheiðar á samfélagsmiðlum sínum. Þar segir að það sé mikið „ánægjuefni að fá Ragnheiði heim á Ásvelli og verður gaman að sjá hana í Haukabúningnum á ný í haust.“ Þar kemur einnig fram að Ragnheiður gerir tveggja ára samning við félagið.

Ragnheiður, sem leikur iðulega á línunni, spilaði stórt hlutverk í Haukaliðinu sem varð deildarmeistari árið 2016. Haukar vonast til að endurtaka leikinn og gera enn betur á næstu leiktíð.

Olísdeildirnar í handbolta eru á Stöð 2 Sport en upplýsingar um útsendingar má finna hér. Olísdeildin er hluti af Stöð 2 Sport Ísland sem kostar 3.990 krónur á mánuði.

Olís-deild kvenna Haukar

Mest lesið


Fleiri fréttir

Sjá meira


×

Mest lesið