Margir búnir að ná jólarjúpunni

Það er heilt yfir gott hljóð í rjúpnaskyttum landsins og miðað við færslur á samfélagsmiðlum eru ansi margir búnir að ná í jólamatinn. Það virðist nokkurn veginn sama hvar fæti er drepið niður veiðin virðist í flestum landshlutum vera ágæt, í raun mun betri en talningar hafa gefið til kynna. Við höfum heyrt af veiðimönnum sem til að mynda voru með nítján fugla á suðurlandi eftir daginn og þeir ætla að sögn að taka stutta göngu síðasta daginn til að ná því smáræði sem vantar uppá.

Veiðimenn virðast samkvæmt því sem við heyrum gæta hófs í veiðum á þann hátt að ekki er skotið meira en þarf í jólamatinn. Það er vonandi að sem flestir nái jólamatnum og fari varlega á ferðum sínum um hálendið.