Tónlist

Uppáhalds lög Unnar Eggerts frá árinu: „Sjálfsástar víbrur“

Dóra Júlía Agnarsdóttir skrifar
Unnur Eggertsdóttir deilir sínum uppáhalds lögum frá árinu 2022.
Unnur Eggertsdóttir deilir sínum uppáhalds lögum frá árinu 2022. Vísir/Vilhelm

Leikkonan, söngkonan og lífskúnstnerinn Unnur Eggertsdóttir er ánægð með tónlistarárið sem er senn að líða. Hún ræddi við Lífið á Vísi um sín uppáhalds lög frá árinu 2022.

Íslensk lög:

700 þúsund stólar - GDRN & Magnús Jóhann

„Þetta lag með Hjálmum er líklega mitt uppáhalds lag allra tíma, að fá það í nýjan búning í flutningi Guðrúnar og Magnúsar er æðislegt. Platan öll er virkilega vönduð og kósý.“

Hæ Stína - Snorri Helgason

„Mögulega repeat lag ársins. Textarnir hans Snorra eru svo skemmtilega hversdagslegir en fallega ljóðrænir á sama tíma. P.S. hvar er stuðningshópur þeirra sem sakna Sprengjuhallarinnar?“

Desember - Klara

„Þetta er svo rómantískt jólalag að mig langar að hætta með manninum mínum bara til að byrja með honum upp á nýtt. Klara er með einstaklega fallega rödd og þetta lag verður á repeat langt fram á sumar.“

En - Una Torfa

„Una er virkilega fersk og hæfileikarík tónlistarkona. Dýrka þetta lag og dýrka þessa plötu, hún er ekkert smá vel gerð.“

Under my underwear - Inspector Spacetime

„Partýhljómsveit Íslands með enn einn partýsmellinn.“

Erlend lög:

I love you bitch - Lizzo

„Ég elska þegar tónlistarfólk gefur manni plötu með engu skip lagi. Þessi plata er SJÚK og Lizzo heldur áfram að vera empowerment drottning lífs míns. Dóttir mín elskar þetta lag, byrjar að dilla sér um leið og það byrjar og það er bókstaflega ekkert sætara.“

CUFF IT - Beyoncé

„Ahhhhh. Loksins kom nýtt efni frá gyðjunni. Dýrka þetta klúbba-diskó vibe og vil meira meira meira.“

Special - Lizzo

„Lizzo á skilið annað lag á þessum lista því hún bjargaði geðheilsu minni svo oft á þessu ári með sínum sjálfsástar víbrum. Lizzo syngur með allri sálinni og er efst á lista yfir þau sem ég vil sjá live á næsta ári.“

I hate U - SZA

„Búin að bíða lengi eftir nýrri plötu frá SZA. Hún er kannski ekki alveg jafn sturluð og CTRL var en það eru nokkur lög sem eru í algjöru uppáhaldi, eins og þetta.“

Question...? - Taylor Swift

„Ég veit að það þykir töff að hata Taylor en ég bara elska hana. Nýja platan greip mig ekki eins mikið og til dæmis Folklore en þau lög sem eru góð eru GÓÐ. Hún er frábær textahöfundur.“

Tónlist

Tengdar fréttir

Lög ársins 2022 að mati Loga Pedro

Frumlegheit og fjölbreytni réðu ríkjum í tónlistarheiminum árið 2022 ef marka má ýmsa álitsgjafa sem Lífið á Vísi hefur rætt við. Tónlistarmaðurinn og hönnuðurinn Logi Pedro er meðal þeirra en hér fyrir neðan deilir hann því sem honum fannst standa upp úr í tónlistinni frá árinu sem er að líða.

Uppáhalds lög Birgittu Lífar árið 2022

Árið 2022 var með sanni viðburðaríkt í tónlistinni og fjölbreytileikinn skein skært með ólíkum tónlistarstefnum sem náðu vinsældum. Lífið á Vísi tók púlsinn á nokkrum þekktum einstaklingum sem eiga það sameiginlegt að hafa mikinn áhuga á tónlist og báðum við þá að deila með lesendum hvað stóð upp úr hjá þeim í tónlistinni í ár.

Bestu lög ársins að mati Binna Glee

Tónlistarárið 2022 var bæði fjölbreytt og viðburðaríkt. Hérlendis sló ýmislegt í gegn, allt frá endurgerð á sígildum dægurlögum yfir í rappið, og var að öllum líkindum eitthvað sem féll í kramið hjá hverjum og einum. Lífið á Vísi heyrði í nokkrum þekktum einstaklingum sem eiga það sameiginlegt að hafa mikinn áhuga á tónlist og báðum við þá að segja hvað stóð upp úr hjá þeim í tónlistinni í ár.

Mest spiluðu lögin á Spotify árið 2022

Streymisveitan Spotify gaf á dögunum út yfirlit af tónlistarárinu 2022 hjá hverjum og einum og hafa tónlistarunnendur því verið duglegir að deila sínum mest spiluðu lögum á samfélagsmiðlum. Samhliða því birti Spotify lista yfir 50 mest spiluðu lög ársins á veitunni undir heitinu „Top Tracks of 2022“.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.