Bein út­sending: Hvaða hug­mynd hlýtur Gul­leggið 2023?

Sýnt verður beint frá viðburðinum og verður hægt að fylgjast með í spilaranum að neðan. Gulleggið er stærsta og elsta frumkvöðlakeppni Íslands og þar hafa fjölmörg sprotafyrirtæki stigið sín fyrstu skref og má þar nefna Controlant, Meniga og Solid Clouds. 

Útsendingin hefst klukkan 16 og stendur til um tvo tíma, en fylgjast má með í spilaranum að neðan. 

Hugmyndirnar sem tilnefndar eru til Gulleggsins 2023 eru:

Aurora Interactive - Siðferðileg tölvuleikjagerð

Aurora Interactive sér fyrir tilfærslu leikjamarkaðarins í átt að öruggara umhverfi og staðsetur sig til að vera leiðandi í gerð sögudrifinna leikja á heimsvísu. Aurora er í þróunarfasa á sínu fyrsta hugverki sem verður sögudrifinn ævintýraleikur í léttum anda. Dion Duff, Friðrik Snær Tómasson & Halldór Heiðberg

Bambaló Barnapössun- Snjallforrit sem tengir fjölskyldur við barnapíur

Bambaló er lausn á vandamáli margra foreldra og forráðamanna á Íslandi sem þurfa að reiða sig á ættmenni eða vinafólk til að komast í burtu frá heimilinu í nokkra tíma.

Snjallforritið mun tengja saman foreldra og barnapíur á einfaldann, fljótlegan og öruggan hátt. Aníta Ísey og Rebekka Levin.

Better Sex - Lykilinn að góðu kynlífi er samtalið

Better Sex er streymisveita fyrir fullorðna með faglegum og skemmtilegum fróðleik um kynlíf. Þú getur fræðst um allt mögulegt í tengslum við kynlíf og sambönd, á einum stað, með fremstu sérfræðingum í heimi, hvar sem er, hvenær sem er. Sigga Dögg & Sævar Eyjólfsson

EZZE- Samfélagsmiðill fyrir notaðar vörur

Fyrirtækið okkar heitir EZZE og viljum við gera sölur og kaup á notuðum vörum jafn auðveld og skemmtileg og að skrolla á instagram!

Með appi til að kaupa, selja, bjóða í og gefa vörur en einnig followa, likea og spjalla við aðra allt á einum stað, þannig líka fara vörur beint á heimasíðu fólksins sem hefur áhuga á þeim.

Við ætlum einnig að auðvelda þér skiptin á vörunum með að bjóða upp á valkosti sem henta þér eins og að fá sent heim, sækja eða ná í næsta póstbox. Svo þú þarft ekki einu sinni að hitta seljandann! Þóra Ólafsdóttir & Donna Cruz

PellisCol

PellisCol ætlar að þróa hágæða náttúrulegar Spa húðvörur úr hreinu íslensku kollageni

PellisCol ætlar að þróa og setja á markað Spa húðvörur byggðar á íslensku kollageni og færa þannig kollagenið nær húðinni. Vörur PellisCol munu innihalda hágæða íslenskt kollagen sem unnið er úr þorskroði á einstakan og sjálfbæran hátt. Íris Björk Marteinsdóttir & Ívar Örn Marteinsson

Sápulestin- Endurunninn fjársjóður

Sápulestin lítur á steikingarolíuna sem stíflar fráveitukerfin og mengar sjávarlífið sem glötuð verðmæti. Sápulestin bjargar þessum fjársjóði og nýtir í kaldpressaðar sápur. Alda Leifsdóttir & Elísabet Halldórsdóttir

Snux - Það er hægt að hætta

Snux er einföld lausn til að styðja við atferlisbreytingu þegar einstaklingar hafa ákveðið að hætta notkun nikótínpúða. Púðarnir eru framleiddir úr öruggu læknasílíkoni, eru hannaðir útfrá lögun klassískra nikotínpúða og eru endurnýtanlegir.

SoFo - Valdeflir unga fjárfesta

Stærsta hindrun í að gerast fjárfestir er að skilja markaðinn.

Ungt fólk er sífellt meira að leitast í samfélagsmiðla til að læra á markaðinn en þar er erfitt að vita hverjum er treystandi.

SoFo eða Social PortFolio er gagnadrifinn samfélagsmiðill fyrir alla fjárfesta til að deila skoðunum, læra á markaðinn, og rísa á toppinn. Fjölnir Þrastarson, Þórarinn Sigurvin Gunnarsson & Friðrik Örn Gunnarsson

Soultech - Sálfræðimeðferðin innan handar

Við erum að þróa stafrænt umhverfi sem auðveldar alla sálfræðimeðferðarvinnu. Við styðjum við sálfræðinga í starfi með verkfæri sem heldur utan um meðferðirnar sem þeir veita, auðveldar yfirsýn og eftirfylgni. Við gerum skjólstæðingum og almenningi kleift að fara í gegnum sálfræðimeðferðir í hugbúnaðnum. Þannig getur almenningur sótt sér sjálfshjálpar sálfræðimeðferðir & skjólstæðingar hafa meðferðina á sér þegar þau þurfa mest á henni að halda. Davíð Haraldsson, Stefán Ólafsson, Pétur Örn Jónsson, Bryndís Jóhannsdóttir & Hrefna Líf Ólafsdóttir

StitchHero - The creative knitter’s companion for knitwear design

StitchHero kollvarpar því hvernig skapandi prjónarar prjóna með því að valdefla þau til þess að hanna og skapa flíkur eftir eigin höfði – án þess tíma og orku sem fylgir því að skrifa prjónauppskriftir.

StitchHero er öflugur hönnunarhugbúnaðar með þæginlegu viðmóti sem umbreytir hönnun í nýtanlega prjónauppskrift.

StitchHero hjálpar prjónurum að láta hugmyndir sínar verða að veruleika með víðfeðmu hönnunarsafni, allt frá sniði, litamynstri og mismunandi lykkjumynstri fyrir margar tegundir flíka. Þórey Rúnarsdóttir & Marta Schluneger