Íslenski boltinn

Tvíhöfði í beinni frá Kópavognum: Sjáðu geggjað mark Birtu í síðasta leik

Óskar Ófeigur Jónsson skrifar
Birta Georgsdóttir og félagar í Breiðabliki fagna marki í fyrrasumar.
Birta Georgsdóttir og félagar í Breiðabliki fagna marki í fyrrasumar. Vísir/Diego

Breiðablik og ÍBV mætast tvívegis í Lengjubikarnum í fótbolta í dag og báðir leikirnir verða sýndir beint á Stöð 2 Sport.

Kvennalið félagsins mætast í fyrri leiknum klukkan 16.00 á Kópavogsvelli og klukkan 18.30 mætast svo karlalið félagsins á sama stað.

Karlaleikurinn er hreinn úrslitaleikur um sigurinn í riðli þeirra í A-deild Lengjubikarsins en það sæti gefur þátttökurétt í undanúrslitum keppninnar.

ÍBV hefur unnið alla þrjá leiki sína og er með níu stig en Blikar hafa sex stig.

Blikakonur geta náð efsta sætinu af Stjörnunni með sigri í kvennaleiknum en Eyjakonur ná af þeim öðru sætinu vinni þær leikinn.

Blikinn Birta Georgsdóttir skoraði glæsilegt mark í síðasta sjónvarpsleiknum úr Lengjubikarnum og má sjá þetta frábæra mark hér fyrir neðan.

Klippa: Mark Birtu Georgsdóttur á móti Stjörnunni
Besta deild karla Besta deild kvenna Breiðablik ÍBV

Mest lesið


Fleiri fréttir

Sjá meira


×

Mest lesið