Hádegisfréttir Bylgjunnar

Mikil stemmning er á Ísafirði en þar fer tónlistarhátíðin Aldrei fór ég suður fram í nítjánda sinn ásamt skíðavikunni margfrægu. Rokkstjóri hátíðarinnar segist hálfklökkur yfir hversu vel gangi. Tónleikarnir halda áfram í kvöld.

Og meira af páskafríinu því allir sumarbústaðir í Uppsveitum Árnessýslu, sem skipta þúsundum, eru fullir af fólki nú um páskahelgina. Sundlaugarnar eru vinsælasti afþreyingarstaður fólksins í fríinu sínu.

Þess er minnst á Spáni í dag, og reyndar víðar að hálf öld er liðin frá andláti Pablo Picasso, mesta listmálara Spánar á 20. öldinni. Verk hans seljast sem aldrei fyrr en þó hefur fallið á glansmyndina eftir að ofbeldisfull samskipti hans við konur komust í hámæli.

Þetta og fleira í hádegisfréttum Bylgjunnar klukkan 12:00.