Stórleikur í Laugardalnum í Mjólkurbikarnum

Dregið var í höfuðstöðvum KSÍ í hádeginu í dag. Sjö lið úr Bestu deildinni voru í pottinum sem og Víkingur sem situr á toppi Lengjudeildarinnar.

Víkingur fær heimsókn frá Selfossi í átta liða úrslitunum, ÍBV og FH eigast við og Stjarnan sækir Keflavík heim.

Stórleikurinn er svo á milli Þróttar og Breiðabliks. Liðin eru í 2. og 3. sæti Bestu deildarinnar. Þróttarar slógu bikarmeistara Valskvenna úr leik í sextán liða úrslitunum um helgina.

Leikirnir í átta liða úrslitum Mjólkurbikars kvenna fara fram 15. og 16. júní.

Átta liða úrslit Mjólkurbikars kvenna