Stórlöxunum fjölgar í Elliðaánum

Af myndbandinu úr laxateljarnum að dæma er þetta hrygna sem er mæld 94 sem löng og hún er ansi þykk svo það er líklegt að hún sé að teygja sig í 20 pundin. Elliðaárnar standa algjörlega upp úr þegar tölur úr laxateljurum landsins eru skoðaðar en samkvæmt gögnum frá Riverwatcher þá hafa 1.745 laxar gengið í ána en veiðin í henni er aðeins 278 laxar. Bjartir heitir dagar sem hafa leikið við höfuðborgarbúa og veiðimenn sem og veiðikonur sem hafa veitt í ánni, gera veiðina ekki auðvelda en þegar það kólnar og haustar með dass af góðri rigningu getur þessi tala klárlega hækkað mikið því laxinn vantar ekki, svo mikið er víst.

Þú getur skoðað myndbandið af þessari glæsilegu hrygnu ganga í gegnum teljaran HÉR.