Eldislaxar veiðast í mörgum ám

Fullyrðing talsmanna þeirra fyrirtækja sem standa að sjókvíaeldi um að þetta sé örugg atvinnugrein og að lax sem sleppi úr kvíum fari ekki upp í árnar á landinu er lítils virði í dag. 

Listinn yfir árnar þar sem eldislaxar hafa veiðst síðustu daga er orðinn ansi langur og lengist enn. Um er að ræða eldislax af norskum uppruna sem er erfðalega mjög frábrugðinn íslenska laxinum og skaðsemi blöndunar þessara tveggja erfðastofna er hinum einstaka stofni Íslenska laxsins mjög hættuleg. 

Ítrekuð slys við sjókvíaeldi getur ekki annað en verið umhugsunarmál fyrir alla sem að greininni standa sem og þeim sem eiga mikið undir því að Íslenski laxinn haldi velli. Meðal þeirra laxveiðiáa þar sem eldislaxar hafa veiðst í eru Víðidalsá, Blanda, Miðfjarðará, Laxá í Aðaldal, Langá, Laxá á Ásum, Vatnsdalsá og Sandá í Þistilfirði en þessi listi er ekki tæmandi.

Það er augljóst að gríðalegir hagsmunir eru undir hjá báðum aðilum, bæði fyrirtækjum í sjókvíaeldi sem og landeigendum, leigutökum, veiðimönnum og öllum þeim sem starfa við báðar þessar atvinnu greinar. Staðan má samt ekki verða sú að önnur greinin eigi það á hættu að útrýma annarri en það er það sem við erum að tefla á tæpasta vaði með. Sjáðu til, það er hægt að fara með eldið á land en villti laxinn á ekki annað að en ána sína.