102 sm lax úr Ytri Rangá

Það eru samt færri sem eru yfir 100 sm en það gerist þó af og til. Einn slíkur veiddist í Ytri Rangá í gær og það var Dag­ur Árni Guðmunds­son leiðsögumaður við Ytri Rangá sem veiddi hann á ómerktum veiðistað í gær. Hann var með heldur nettar græjur í svona slag en stöngin er glertrefjastöng fyrir línu sex og það þarf mikla reynslu til að landa svona laxi á þetta nettar stangir. Það veiddist einn 101 sm lax í ánni í sumar og svo skemmtilega vill til að Dagur var leiðsögumaður þess veiðimanns sem landaði þeim laxi. Nokkrir svona risar hafa sést í ánni í sumar og haft betur í baráttunni við veiðimenn.