Andrea með tvö mörk í sigri Silkeborg

Leikurinn var jafn og spennandi framan af, liðin skiptust á mörgum mörkum en undir lok hálfleiksins tók Silkeborg vel fram úr og fór með þriggja marka forystu inn í hálfleikinn. 

Kaupmannahafnarstelpur komu svo sterkar út úr búningsherbergjunum og jöfnuðu leikinn fljótlega. Það færði líf í leikinn og seinni hálfleikurinn var virkilega spennandi lengst af. 

Silkeborg tók svo fram úr gestunum undir lokin og sigldu öruggum sigri heim. 

Þær sitja nú jafnar að stigum við NFH Nyk og Aarhus United í 4., 5. og 6. sæti deildarinnar. NFH Nyk sigraði Ringköbing örugglega 35-27 fyrr í kvöld. Elín Jóna Þorsteinsdóttir leikur með Ringköbing en kom ekki við sögu í dag.