Heims­frægur tón­listar­maður nýtir sér tækni ís­lensks fyrir­tækis

Joji varð fyrst vinsæll á Youtube fyrir um það bil áratug síðan, þá sem persónan Filthy Frank, en hefur nú snúið sér að tónlist. Vinsælasta verk hans er lagið Glimps of Us sem kom út á síðasta ári og hefur fengið yfir milljarð spilana á Spotify.

Á tónleikarferðalagi Joji hefur hann gabbað áhorfendur með því að láta eins og frægir einstaklingar séu að hringja í hann, svo sem Barack Obama fyrrverandi forseti Bandaríkjanna. 

Fyrir þetta grín notar Joji gervigreindartækni Overtune þar sem notendur geta látið rödd sína hljóma eins og hjá hinum ýmsu opinberu persónum.