Þá heyrum við í stjórnmálafræðingi um ríkisstjórnarsamstarfið en tveir þingmenn Sjálfstæðisflokksins sendu í morgun frá sér pistla þar sem framganga Svandísar Svavarsdóttur matvælaráðherra er harðlega gagnrýnd.
Einnig heyrum við í Magnúsi Þorkeli Bernharðssyni prófessor í sögu Mið-Austurlanda en hann óttast að fleiri ríki dragist inn í átökin fyrir botni Miðjarðarhafs.
Að auki fjöllum við um nýtt verkefni sem nýsköpunarráðherra kynnti í morgun sem skapar að hennar sögn gríðarleg tækifæri til fjárfestingar fyrir íslensk fyrirtæki.
Og í íþróttapakkanum er það EM sem verður í forgrunni en þetta stórmót hefst í dag í Þýskalandi.
