Handbolti

Annar sigurinn í röð hjá botnliðinu

Hjörtur Leó Guðjónsson skrifar
Daníel Þór Ingason skoraði tvö fyrir Balingen.
Daníel Þór Ingason skoraði tvö fyrir Balingen.

Daníel Þór Ingason skoraði tvö mörk fyrir Balingen-Weilstetten er liðið vann mikilvægan fimm marka sigur gegn Wetzlar í þýska handboltanum í kvöld, 21-16.

Var þetta aðeins fjórði sigur Balingen-Weilstetten á tímabilinu, en liðið hefur verið á fínu skriði undanfarið og aðeins tapað einum af seinustu fimm leikjum sínum í deildinni.

Gestirnir í Balingen-Weilstetten höfðu nokkuð góð tök á leik kvöldsins og leiddu frá upphafi til enda. Liðið náði fljótt fimm marka forskoti og vann að lokum fimm marka sigur, 21-16.

Þrátt fyrir sigurinn situr liðið enn á botni deildarinnar, nú með 11 stig eftir 21 leik, tveimur stigum frá öruggu sæti.

Þýski handboltinn

Mest lesið


Fleiri fréttir

Sjá meira


×

Mest lesið