Lífið

Glæsivilla Ingu Lindar keypt inn í Atlanta veldið

Oddur Ævar Gunnarsson skrifar
Inga Lind Karlsdóttir sjónvarpskona og eigandi Skot Productions átti húsið. Hér er hún á tennisvellinum en Inga Lind stundar íþróttina af miklu kappi.
Inga Lind Karlsdóttir sjónvarpskona og eigandi Skot Productions átti húsið. Hér er hún á tennisvellinum en Inga Lind stundar íþróttina af miklu kappi. Vísir/Vilhelm

Eitt glæsilegasta einbýlishús landsins að Mávanes 17 í Garðabæ hefur verið selt Hannesi Hilmarssyni, einum eiganda flugfélagsins Atlanta og eiginkonu hans Guðrúnu Þráinsdóttur. Húsið var í eigu Ingu Lindar Karlsdóttur sjónvarpskonu og eiganda Skot Productions.

Þetta kemur fram á Smartlandi. Húsið er eitt dýrasta hús Íslands en fasteignamatið er 430.250.000 króna. Eftir því sem Vísir kemst næst var kaupverðið hinsvegar töluvert hærra.

Húsið var byggt árið 2012 og hannað af arkitektastofunni Gláma Kím. Húsið er á Arnarnesinu og snýr að sjónum í suðurátt. Þar er magnað útsýni yfir hafið en arkitektarstofan hefur birt myndir af húsinu á vef sínum.

„Efri hæð hússins er skipulögð í kringum ljósagarð. Þar eru svefnherbergi, baðherbergi, eldhús og fjölskylduherbergi raðað saman. Í vestur frá eldhúsinu er stór borðstofa og formleg stofa. Stór arinn skiptir rýmum upp. Við aðra hlið arinsins er opið stigarými sem tengir efri og neðri hæðina sama,“ segir á vefnum.

Húsið er 760 fermetrar. Ekki hefur komið fram hvert Inga Lind hyggur á flutninga. Hún hefur verið á miklum faraldsfæti undanfarnar vikur og mánuði, meðal annars á Spáni en hún er ræðismaður Spánar á Íslandi. 

Fasteignamarkaður Garðabær

Tengdar fréttir

Inga Lind í nýju húsi

Fjölmiðlakonan Inga Lind Karlsdóttir og eiginmaður hennar Árni Hauksson fjárfestir sem meðal annars er einn stærsti hluthafinn í Högum eru nú flutt í nýja húsið sitt sem þau byggðu frá grunni á sjávarlóð á Arnarnesinu í Garðabæ.

Nágrannar sætti sig við tvöföldun á húsi

Kæru eigenda fjögurra húsa í Mávanesi vegna byggingar tæplega 800 fermetra einbýlishúss við götuna hefur verið vísað frá úrskurðarnefnd skipulags- og byggingarmála.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.