Tónlist

Hlustendaverðlaunin 2024: Barna­kór tók undir með XXX Rottweiler

Oddur Ævar Gunnarsson skrifar
Vart mátti sjá hvor var í meira stuði á sviðinu, krakkarnir eða rappararnir.
Vart mátti sjá hvor var í meira stuði á sviðinu, krakkarnir eða rappararnir. Vísir/Anton Brink

Félagarnir í þekktustu og gamalgrónustu rapphljómsveit landsins XXX Rottweiler mættu, sáu og sigruðu á Hlustendaverðlaunum 2024 sem fram fóru í Gamla bíó á fimmtudagskvöld. Óvæntir gestir frá Drengjakór Reykjavíkur og Kársneskórnum slógu í gegn á sviðinu með hljómsveitinni.

Atriðið má horfa á hér fyrir neðan. Þar tók sveitin slagarann Allir eru að fá sér, eitt þekktasta partýlag landsins sem Raggi Bjarna tók með sveitinni á sínum tíma. Lagið sló í gegn á sínum tíma og því ætlaði allt um koll að keyra í salnum þegar sveitin tók lagið.

Nokkuð óhætt er að fullyrða að viðlagið hafi aldrei verið eins öflugt og nú þökk sé barnakórnum á sviðinu. Krakkarnir voru í bullandi stuði og tóku vel undir með þeim Bent, Erpi og Lúlla.

Horfa má á öll lögin sem XXX Rottweiler tók hér fyrir neðan: 

Horfa má á fleiri uppákomur og atriði af Hlustendaverðlaununum á sjónvarpsvef Vísis.

Hlustendaverðlaunin Tónlist Kórar Krakkar

Tengdar fréttir

Hlustendaverðlaunin 2024: Laufey, Patrik og Iceguys unnu tvöfalt

Hlustendaverðlaunin 2024 voru afhent við hátíðlega athöfn í Gamla bíói í kvöld. Stórstjarnan Laufey hlaut verðlaun sem söngkona ársins og fyrir plötu ársins, Bewitched. Patrik Atlason var valinn nýliði ársins og hlaut verðlaun fyrir lag ársins. Drengjasveitin Iceguys voru útnefndir flytjendur ársins og myndband þeirra við lagið Krumla var valið myndband ársins.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.