Handbolti

Sig­valdi tryggði Kol­stad Noregs­meistara­titilinn

Siggeir Ævarsson skrifar
Sigvaldi Guðjónsson skoraði fimm mörk fyrir Kolstad í dag
Sigvaldi Guðjónsson skoraði fimm mörk fyrir Kolstad í dag EPA-EFE/Piotr Polak

Sigvaldi Guðjónsson og félagar í Kolstad tryggðu sér Noregsmeistaratitilinn annað árið í röð þegar liðið lagði Elverum 29-28 í miklum spennuleik. Enn eru tveir leikir eftir af deildinni en Elverum á ekki lengur möguleika á að ná toppliðinu.

Staðan í hálfleik var 15-14 og var leikurinn nokkurn veginn í járnum allan tímann. Þegar mínúta var til leiksloka var staðan 28-28 og Kolstad fékk víti. Sigvaldi fór á línuna og skoraði af öryggi og Noregsmeistaratitillinn í höfn þrátt fyrir að deildarkeppnin sé ekki búin.

Þetta var annað árið í röð sem Kolstad vinnur deildina en liðið varð einnig bikarmeistari á dögunum. Þegar deildarkeppninni lýkur tekur svo við úrslitakeppni þar sem Kolstad á titil að verja.

Handbolti Norski handboltinn

Mest lesið


Fleiri fréttir

Sjá meira


×

Mest lesið