Undir áhrifum slævandi lyfja þegar bíllinn fór fram af bryggjunni Bjarki Sigurðsson skrifar 16. apríl 2024 11:03 Frá slysstað í apríl árið 2023. Karlmaður um áttrætt var undir áhrifum slævandi lyfja og með bráða kransæðastíflu þegar bifreið sem hann sat í rann fram af bryggjunni í Vestmannaeyjum í apríl árið 2023. Ökuhæfi mannsins var skert sökum langvarandi heilsubrests. Þetta kemur fram í skýrslu Rannsóknarnefndar samgönguslysa. Atvikið átti sér stað þann 11. apríl árið 2023. Maðurinn ók þá Peugot Partner-bíl sínum eftir Tangagötu við hafnarsvæðið í Vestmannaeyjum og inn á Nausthamarsbryggju til vesturs. Þar var bifreiðinni lagt með framendann til norðurs að bryggjukantinum, rúma sjötíu metra frá enda bryggjunnar. Á myndskeiðum úr öryggismyndavélum á svæðinu má sjá að á meðan bifreiðinni var lagt við bryggjukantinn voru hemlaljós hennar tendruð. „Myndskeiðin sýna einnig að bifreiðin var kyrrstæð við bryggjukantinn í tæpar 50 sekúndur en var síðan ekið yfir bryggjukantinn og hafnaði hún í sjónum. Framendi bifreiðarinnar fór á kaf en farþegarými hennar stóð að mestu upp úr sjónum til að byrja með. Bifreiðin var á floti í um 2 mínútur og 45 sekúndur,“ segir í skýrslunni. Hemlaljósin af og á Einni sekúndu áður en bifreiðinni var ekið af stað fóru hemlaljósin af, komu aftur á og fóru aftur af þegar bifreiðin fór af stað og yfir bryggjukantinn. „Í nokkur skipti á meðan bifreiðin var í sjónum tendruðust hemlaljós bifreiðarinnar eins og stigið væri á og af hemlafetli hennar. Hemlaljósin birtust í skamma stund um 24 sekúndum áður en bifreiðin fór alveg á kaf,“ segir í skýrslunni. Kanturinn sem bifreiðinni var ekið yfir.RNSA Áhöfn fiskveiðibáts fyrst á staðinn Fiskveiðibát var siglt fram hjá bifreiðinni á meðan hún var kyrrstæð á bryggjunni en skömmu síðar heyrði áhöfnin smell og þá sáu þeir bifreiðina í sjónum. Bátnum var snúið við og siglt upp að bifreiðinni. „Vitni í bátnum kvaðst hafa séð aðila vera kominn aftur í bifreiðina að opnanlegum afturhlera hennar, skömmu áður en bifreiðin sökk og að hann hafi verið að reyna að komast þar út,“ segir í skýrslunni. Eftir þetta var allt viðbragðslið í Vestmannaeyjum ræst út og kafari sendur niður. Það gekk greiðlega að ná manninum upp en endurlífgunartilraunir báru ekki árangur og maðurinn úrskurðaður látinn. Kort af bryggjunni.RNSA Tók stóran skammt svefnlyfja Við rannsókn málsins kom í ljós að maðurinn átti við alvarlega sjúkdóma að stríða. Krufning leiddi í ljós bráða kransæðastíflu og einnig merki drukknunar. „Niðurstaða áfengisrannsóknar á ökumanni bifreiðanna var neikvæð. Niðurstöður á lyfjamælingu leiddu í ljós svefnlyf í of háum skammti og auk þess önnur svefnlyf í samræmi við ávísun. Gera má ráð fyrir að ökumaður hafi verið undir slævandi áhrifum af blöndu svefnlyfja við andlátið,“ segir í skýrslunni. Mikilvægt að meta andlegt og líkamlegt heilbrigði Í tillögukafla skýrslunnar eru ítrekaðar tillögur nefndarinnar frá árinu 2020 til Samgöngustofu um að innleiða nýjar reglur um hvernig meta skuli hvort umsækjendur um ökuskírteini fullnægi viðauka um andlegt og líkamlegt heilbrigði. Mikilvægt sé að slíkar reglur séu settar. Því er beint að innviðaráðuneytinu að styðja Samgöngustofu við þróun og innleiðingu á nýju eyðublaði um læknisvottorð sem snýr að mati á því hvort umsækjendur uppfylli þennan sama viðauka. „Rannsóknarnefnd samgönguslysa bendir á að mikilvægt er að ökumenn hætti akstri ef þeir eiga við veikindi að stríða sem skerða ökuhæfni eða nota lyf sem skerða ökuhæfni. Veikindi og lyfjanotkun geta haft neikvæð áhrif á hæfni einstaklinga til að stjórna ökutæki örugglega. Sum lyfseðilsskyld lyf hafa slævandi áhrif sem gerir það varasamt að stjórna ökutæki. Mikilvægt er að læknar upplýsi sjúklinga sína um áhrif slævandi og róandi lyfja á viðbragðsflýti og einbeitingu,“ segir í skýrslunni. Vestmannaeyjar Samgönguslys Tengdar fréttir Nafn mannsins sem lést í Vestmannaeyjum Maðurinn sem lést í höfninni í Vestmannaeyjum í vikunni hét Ólafur Már Sigmundsson. Hann fæddist árið 1942. 14. apríl 2023 16:21 Mest lesið Kröfur kvennaárs komnar í innheimtu og gjalddaginn fallinn Innlent Leggur viðskiptaþvinganir á rússneska olíurisa Erlent Stöðugleiki norðlægrar hringrásar skammgóður vermir fyrir Ísland Innlent Segir tilvalin íbúðasvæði opnast með Sundabraut Innlent Næstum öllum sagt upp hjá dótturfélagi Play Innlent Niðurrif hafið á gamla Morgunblaðshúsinu Innlent Fasteignamarkaðurinn „kaupendamarkaður“ að mati fasteignasala Viðskipti innlent „Ég skoðanakúgaði sjálfa mig í þágu friðar og þæginda félagslega“ Innlent Klukkustunda bið eftir dekkjaskiptum í vetrarparadísinni Veður Mikill hiti í síðustu kappræðunum fyrir kosningar Erlent Fleiri fréttir Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Umferðarteppa í Ártúnsbrekku vegna aftanákeyrslu Bein útsending: Verndum vatnið Víða vetrarfærð, Fjarðarheiði lokuð og björgunarsveitir aðstoða fólk í föstum bílum Kettlingur í hættu vegna sprautunála og haldið í gíslingu af nágranna Kona í fjölbýlishúsinu talin brennuvargur en gengur laus „Vonbrigði hvað kom lítið út úr fundinum í gær“ Fangavörður rekinn fyrir að stela af fanga Óvissa á Grundartanga og flugumferðarstjórar funda Hafsteinn Dan tekur við formennsku í refsiréttarnefnd Klórar sér í kollinum yfir kvennaverkfallinu Hálfsdagslokun leikskóla skyndilega orðin að heilsdagslokun „Alvarlegt áfall á Grundartanga” sem beri að bregðast við hratt Ný samnorræn og baltnesk gervigreindarmiðstöð opnuð í dag Sjá meira
Þetta kemur fram í skýrslu Rannsóknarnefndar samgönguslysa. Atvikið átti sér stað þann 11. apríl árið 2023. Maðurinn ók þá Peugot Partner-bíl sínum eftir Tangagötu við hafnarsvæðið í Vestmannaeyjum og inn á Nausthamarsbryggju til vesturs. Þar var bifreiðinni lagt með framendann til norðurs að bryggjukantinum, rúma sjötíu metra frá enda bryggjunnar. Á myndskeiðum úr öryggismyndavélum á svæðinu má sjá að á meðan bifreiðinni var lagt við bryggjukantinn voru hemlaljós hennar tendruð. „Myndskeiðin sýna einnig að bifreiðin var kyrrstæð við bryggjukantinn í tæpar 50 sekúndur en var síðan ekið yfir bryggjukantinn og hafnaði hún í sjónum. Framendi bifreiðarinnar fór á kaf en farþegarými hennar stóð að mestu upp úr sjónum til að byrja með. Bifreiðin var á floti í um 2 mínútur og 45 sekúndur,“ segir í skýrslunni. Hemlaljósin af og á Einni sekúndu áður en bifreiðinni var ekið af stað fóru hemlaljósin af, komu aftur á og fóru aftur af þegar bifreiðin fór af stað og yfir bryggjukantinn. „Í nokkur skipti á meðan bifreiðin var í sjónum tendruðust hemlaljós bifreiðarinnar eins og stigið væri á og af hemlafetli hennar. Hemlaljósin birtust í skamma stund um 24 sekúndum áður en bifreiðin fór alveg á kaf,“ segir í skýrslunni. Kanturinn sem bifreiðinni var ekið yfir.RNSA Áhöfn fiskveiðibáts fyrst á staðinn Fiskveiðibát var siglt fram hjá bifreiðinni á meðan hún var kyrrstæð á bryggjunni en skömmu síðar heyrði áhöfnin smell og þá sáu þeir bifreiðina í sjónum. Bátnum var snúið við og siglt upp að bifreiðinni. „Vitni í bátnum kvaðst hafa séð aðila vera kominn aftur í bifreiðina að opnanlegum afturhlera hennar, skömmu áður en bifreiðin sökk og að hann hafi verið að reyna að komast þar út,“ segir í skýrslunni. Eftir þetta var allt viðbragðslið í Vestmannaeyjum ræst út og kafari sendur niður. Það gekk greiðlega að ná manninum upp en endurlífgunartilraunir báru ekki árangur og maðurinn úrskurðaður látinn. Kort af bryggjunni.RNSA Tók stóran skammt svefnlyfja Við rannsókn málsins kom í ljós að maðurinn átti við alvarlega sjúkdóma að stríða. Krufning leiddi í ljós bráða kransæðastíflu og einnig merki drukknunar. „Niðurstaða áfengisrannsóknar á ökumanni bifreiðanna var neikvæð. Niðurstöður á lyfjamælingu leiddu í ljós svefnlyf í of háum skammti og auk þess önnur svefnlyf í samræmi við ávísun. Gera má ráð fyrir að ökumaður hafi verið undir slævandi áhrifum af blöndu svefnlyfja við andlátið,“ segir í skýrslunni. Mikilvægt að meta andlegt og líkamlegt heilbrigði Í tillögukafla skýrslunnar eru ítrekaðar tillögur nefndarinnar frá árinu 2020 til Samgöngustofu um að innleiða nýjar reglur um hvernig meta skuli hvort umsækjendur um ökuskírteini fullnægi viðauka um andlegt og líkamlegt heilbrigði. Mikilvægt sé að slíkar reglur séu settar. Því er beint að innviðaráðuneytinu að styðja Samgöngustofu við þróun og innleiðingu á nýju eyðublaði um læknisvottorð sem snýr að mati á því hvort umsækjendur uppfylli þennan sama viðauka. „Rannsóknarnefnd samgönguslysa bendir á að mikilvægt er að ökumenn hætti akstri ef þeir eiga við veikindi að stríða sem skerða ökuhæfni eða nota lyf sem skerða ökuhæfni. Veikindi og lyfjanotkun geta haft neikvæð áhrif á hæfni einstaklinga til að stjórna ökutæki örugglega. Sum lyfseðilsskyld lyf hafa slævandi áhrif sem gerir það varasamt að stjórna ökutæki. Mikilvægt er að læknar upplýsi sjúklinga sína um áhrif slævandi og róandi lyfja á viðbragðsflýti og einbeitingu,“ segir í skýrslunni.
Vestmannaeyjar Samgönguslys Tengdar fréttir Nafn mannsins sem lést í Vestmannaeyjum Maðurinn sem lést í höfninni í Vestmannaeyjum í vikunni hét Ólafur Már Sigmundsson. Hann fæddist árið 1942. 14. apríl 2023 16:21 Mest lesið Kröfur kvennaárs komnar í innheimtu og gjalddaginn fallinn Innlent Leggur viðskiptaþvinganir á rússneska olíurisa Erlent Stöðugleiki norðlægrar hringrásar skammgóður vermir fyrir Ísland Innlent Segir tilvalin íbúðasvæði opnast með Sundabraut Innlent Næstum öllum sagt upp hjá dótturfélagi Play Innlent Niðurrif hafið á gamla Morgunblaðshúsinu Innlent Fasteignamarkaðurinn „kaupendamarkaður“ að mati fasteignasala Viðskipti innlent „Ég skoðanakúgaði sjálfa mig í þágu friðar og þæginda félagslega“ Innlent Klukkustunda bið eftir dekkjaskiptum í vetrarparadísinni Veður Mikill hiti í síðustu kappræðunum fyrir kosningar Erlent Fleiri fréttir Stöðugleiki norðlægrar hringrásar skammgóður vermir fyrir Ísland Kröfur kvennaárs komnar í innheimtu og gjalddaginn fallinn Segir tilvalin íbúðasvæði opnast með Sundabraut Niðurrif hafið á gamla Morgunblaðshúsinu Næstum öllum sagt upp hjá dótturfélagi Play „Ég skoðanakúgaði sjálfa mig í þágu friðar og þæginda félagslega“ Burðardýr fengu þungan dóm fyrir kókaínsmygl Skora á ráðherra og segir skjaldborg slegið um vændiskaupendur Fresta fundi til tíu í fyrramálið Stórskemmtilegur innhringjandi og óhefðbundin útför Viðgerð muni taka einhverja mánuði „Afar ólíklegt“ að Nadine taki slaginn í borginni fyrir Miðflokkinn Grunuð um íkveikju í Nettó, Nytjamarkaðnum og eigin húsi Segir borgina refsa foreldrum til að mæta rekstrarvanda Aflýsa verkfalli öðru sinni Umferðarslys á Fagradal og veginum lokað Segir sorglega illa hafa verið haldið á hagsmunum flugsins Umferðarteppa í Ártúnsbrekku vegna aftanákeyrslu Bein útsending: Verndum vatnið Víða vetrarfærð, Fjarðarheiði lokuð og björgunarsveitir aðstoða fólk í föstum bílum Kettlingur í hættu vegna sprautunála og haldið í gíslingu af nágranna Kona í fjölbýlishúsinu talin brennuvargur en gengur laus „Vonbrigði hvað kom lítið út úr fundinum í gær“ Fangavörður rekinn fyrir að stela af fanga Óvissa á Grundartanga og flugumferðarstjórar funda Hafsteinn Dan tekur við formennsku í refsiréttarnefnd Klórar sér í kollinum yfir kvennaverkfallinu Hálfsdagslokun leikskóla skyndilega orðin að heilsdagslokun „Alvarlegt áfall á Grundartanga” sem beri að bregðast við hratt Ný samnorræn og baltnesk gervigreindarmiðstöð opnuð í dag Sjá meira
Nafn mannsins sem lést í Vestmannaeyjum Maðurinn sem lést í höfninni í Vestmannaeyjum í vikunni hét Ólafur Már Sigmundsson. Hann fæddist árið 1942. 14. apríl 2023 16:21