Haukur magnaður í sigri á Viktor Gísla og fé­lögum

Liðin leika í A-riðli Meistaradeildarinnar og máttu heimamenn í Wisla ekki við því að misstíga sig þar sem þeir töpuðu fyrsta leik sínum í riðlinum gegn Sporting. Á sama tíma vann Búkarest góðan sigur á lærisveinum Guðmundar Guðmundssonar í Fredericia.

Gestirnir frá Rúmeníu byrjuðu betur og leiddu um tíma með fjórum mörkum en heimamenn minnkuðu muninn niður í eitt mark fyrir lok fyrri hálfleiks, staðan þá 11-12.

Áfram voru gestirnir með yfirhöndina í síðari hálfleik og náðu fjögurra marka forystu um miðbik hálfleiksins. Munurinn var fimm mörk þegar rúmlega fjórar mínútur voru til leiksloka. Heimamenn náðu að minnka muninn niður í tvö mörk en komust ekki nær og lauk leiknum með sigri gestanna, lokatölur 26-28.

Haukur átti eins og áður sagði frábæran leik, skoraði fjögur mörk og gaf sex stoðsendingar. Viktor Gísli átti heldur rólegir dag í marki Wisla en samkvæmt tölfræði leiksins varði hann sjö skot og var með 29 prósent hlutfallsmarkvörslu.