Handbolti

Bjarki Már og Orri Freyr með stór­sigra í Meistara­deildinni

Runólfur Trausti Þórhallsson skrifar
Bjarki Már og félagar unnu frábæran sigur í kvöld.
Bjarki Már og félagar unnu frábæran sigur í kvöld. veszprém

Bjarki Már Elísson og Orri Freyr Þorkelsson unnu í kvöld stórsigra með liðum sínum í Meistaradeild Evrópu karla í handbolta. Veszprém fór létt með París Saint-Germain á heimavelli á meðan Sporting sótti lærisveinar Guðmundar Guðmundssonar í Fredericia heim.

Það verður seint sagt að leikir kvöldsins hafi verið spennandi en Veszprém vann ótrúlegan 13 marka sigur á PSG, lokatölur 41-28. Þá vann Sporting 18 marka útisigur, lokatölur í Danmörku klukkan 19-37.

Bjarki Már nýtti eina skot sitt í leiknum en Mikita Vailupau var markahæstur í liði Veszprém með 8 mörk. Nedim Remili kom þar á eftir með 7 mörk og 4 stoðsendingar.

Orri Freyr skoraði 4 mörk í liði Sporting á meðan Arnór Viðarsson skoraði 3 mörk og gaf 1 stoðsendingu í liði Fredericia. Þá skoraði Einar Þorsteinn Ólafsson eitt mark í liði heimamanna.

Sporting og Veszprém hafa bæði unnið fyrstu tvo leiki sína í A-riðli Meistaradeildarinnar á meðan lærisveinar Guðmundar í Fredericia eru án stiga á botni riðilsins.

Handbolti Meistaradeild Evrópu í handbolta karla

Mest lesið


Fleiri fréttir

Sjá meira


×

Mest lesið