Háspenna er FH vann Hafnarfjarðarslaginn

Leikur kvöldsins fór fram á heimavelli FH í Kaplakrika þar sem gestirnir voru skrefi á undan til að byrja með og náðu 8-5 forystu um miðjan fyrri hálfleik. FH svaraði með 4-1 kafla til að jafna leikinn 9-9 en Haukar áfram með undirtökin og komust aftur þremur yfir í stöðunni 17-14.

FH skoraði síðustu tvö mörk fyrri hálfleiks, til að minnka muninn í 17-16 áður en hálfleiksflautið gall.

Heimamenn létu kné fylgja kviði eftir hlé og skoruðu fyrstu fjögur mörk seinni hálfleiks til að komast 20-17 yfir. Haukar svöruðu fyrir sig í þessum leik áhlaupa og skoruðu átta mörk gegn tveimur, staðan 25-22 um síðari hálfleik miðjan.

FH svaraði því næst fyrir sig og leikurinn í járnum á lokamínútunum. Haukar leiddu 29-27 þegar um fimm mínútur lifðu leiks en tókst ekki að skora mark það sem eftir lifði leiks. Daníel Freyr Andrésson varði meðal annars vítakast frá Þráni Orra Jónssyni. Það vítaklúður reyndist Haukum dýrkeypt.

Birgir Már Birgisson skoraði síðustu tvö mörk leiksins og Daníel Freyr varði svo lokaskot leiksins frá Haukum. Þeir tveir hetjur FH-inga sem unnu magnaðan 30-29 sigur.

FH fer upp að hlið Hauka, sem tapa þar með sínum fyrsta leik í deildinni. Bæði lið með sex stig á toppi deildarinnar.