Innlent

Ró­leg nótt hjá björgunar­sveitunum þrátt fyrir leiðinda­veður

Gunnar Reynir Valþórsson skrifar
Miklir vatnavextir hafa verið á suður- og vesturlandi síðu klukkutstundirnar.
Miklir vatnavextir hafa verið á suður- og vesturlandi síðu klukkutstundirnar. Visir/Vilhelm

Nóttin var fremur róleg hjá björgunarsveitum landsins þrátt fyrir leiðindaveður og vatnavexti.

Jón Þór Víglundsson upplýsingafulltrúi Landsbjargar segir að björgunarsveitir frá Hvolsvelli og undir Eyjafjöllum hafi þó verið kallaðar út vegna vatnavaxtanna í Bakkakotsá og í Skógará.

„Menn höfðu áhyggjur af fólki sem var að gista í húsbílum við Skóga, en þær áhyggjur reyndust ástæðulausar,“ segir Jón Þór. Bakkakotsá er vestan við Skógá og þar flæddi yfir veginn, beggja vegna brúarinnar, að sögn Vegagerðarinnar.

Jón Þór segir að vatnið í Skógá hafi einnig verið mikið því það flæddi inn á bílastæðið við Skógafoss.

Björgunarsveitir

Mest lesið


Fleiri fréttir

Sjá meira


×

Mest lesið