Hollensku stelpurnar skrefi nær undan­úr­slitunum

Holland vann þá átta marka sigur á Sviss, 37-29, eftir að hafa verið 24-17 yfir í hálfleik.

Hollensku stelpurnar voru í miklu stuði í sóknarleiknum og voru margar að skila mörkum. Zoë Sprengers var markahæst með sjö mörk en þær Antje Angela Malestein og Dione Housheer skoruðu báða fjögur mörk.

Holland var með íslenska landsliðinu í riðli á mótinu og rétt mörðu íslensku stelpurnar með tveimur mörkum í fyrsta leik mótsins (27-25). Þær skoruðu því aðeins þremur mörkum minna í Íslandsleiknum heldur en í fyrri hálfleik á móti Sviss í dag.

Þetta var þriðja umferð milliriðilsins og eftir þennan sigur hefur hollenska liðið unnið þrjá af fjórum leikjum sínum.

Hollenska liðið er með sex stig eins og Noregur og tveimur stigum meira en Danmörk en bæði þau lið eiga eftir að mætast spila sína leiki í dag. Holland mætir síðan Danmörku í lokaleik milliriðilsins sem gæti verið hreinn úrslitaleikur um sæti í undanúrslitum mótsins.