Eldur kom upp í seilingar­fjar­lægð frá gashylkjum og þvotta­efni

Björgvin Víkingsson framkvæmdastjóri segist þakklátur því að aðstoðarverslunarstjórinn í Fitjum hafi brugðist hratt við, farið með umræddan kassa út og slökkt í honum eldinn. Það þarf ekki að spyrja að því hvað hefði getað gerst ef viðbrögðin hefðu ekki verið snör.

Hann segir að í kjölfarið hafi búðin verið loftræst en ekki kom til þess að loka þurfti búðinni. Verið sé að skoða málið og reyna að komast að því hver eldsupptökin voru en Björgvin vildi ekki tjá sig um hvort málið hafi verið tilkynnt til lögreglunnar.

„Það er frábært að eiga geggjað starfsfólk sem veit hvað það er að gera þannig var það svo sannarlega í þessu tilfelli,“ segir Björgvin.