„Skemmtilegt að þroskast þannig sem leikmaður“ Sindri Sverrisson skrifar 16. apríl 2025 10:02 Elín Metta Jensen er mætt aftur í Valstreyjuna og tilbúin að láta til sín taka í sumar. Valur „Ég er bara spennt fyrir þessu tímabili og tek því hlutverki sem mér býðst í Val. Ég hlakka til að hjálpa til við það sem ég get,“ segir Elín Metta Jensen sem snýr aftur í Bestu deildina í sumar eftir að hafa eignast sitt fyrsta barn í nóvember. Elín Metta, sem er nýorðin þrítug, var mætt til æfinga með Val strax í febrúar, aðeins þremur mánuðum eftir barnsburð. „Ég fór nú frekar rólega af stað en mér finnst þetta búið að ganga vel. Maður verður auðvitað að hlusta á líkamann í svona endurkomu eftir barnsburð en það er búið að vera mjög gaman að geta komið aftur á æfingar og fengið útrás þar.“ Elín Metta mun í sumar taka slaginn með uppeldisfélagi sínu, sem hún raðaði inn mörkum fyrir fram til ársins 2022, en vill ekki vera með neinar yfirlýsingar um hvenær hún byrjar að spila. Fyrsti leikur Vals er í Bestu deildinni er gegn FH á Hlíðarenda kl. 18 í kvöld. „Verð tilbúin þegar kallið kemur“ „Ég ætla að hlusta á þjálfarana og styrktarþjálfara í þessum efnum. Menn vilja stíga varlega til jarðar svo að meiðslahættan sé ekki mikil og ég skil það og virði það. Ég er því bara þolinmóð. Mér finnst mjög gaman að mæta á æfingar og svo sjáum við til hvernig þetta þróast. Það er erfitt að spá fyrir með svona endurkomur en það hefur verið stígandi hjá mér á æfingum og ég hef alveg fengið að heyra það. Þetta er spennandi áskorun,“ segir Elín Metta og bendir á að hún geti miðlað af sinni reynslu til yngri leikmanna Valsliðsins. „Mér líður ágætlega í skrokknum og verð tilbúin þegar kallið kemur. Auðvitað tekur maður bara því hlutverki sem manni er gefið af æðruleysi. Núna er ég kannski með reynslumeiri leikmönnum í hópnum svo það er ekki bara inni á vellinum sem ég get gefið af mér. Það er skemmtilegt að þroskast þannig sem leikmaður,“ segir Elín Metta. Elín Metta Jensen hefur raðað inn mörkum fyrir Val í gegnum tíðina. Alls hefur hún skorað 132 mörk í 183 leikjum í efstu deild fyrir Valsliðið og er 27 mörkum frá meti Margrétar Láru Viðarsdóttur.Vísir/Vilhelm Þessi mikli markaskorari er í tíunda sæti yfir markahæstu landsliðskonur Íslands frá upphafi, með 16 mörk í 62 A-landsleikjum, og á í sínu safni fjóra Íslandsmeistaratitla, þrjá bikarmeistaratitla og gullskó, auk þess að hafa verið valin leikmaður ársins 2019. Hún lagði skóna á hilluna eftir tímabilið 2022 en tók þá svo fram aftur og lék með Þrótti á lokakafla tímabilsins 2023. Elín Metta staldraði stutt við í Laugardalnum 2023.Vísir/Sigurjón „Valur stefnir alltaf á að vinna allt“ „Ég var byrjuð aftur í fótboltanum þarna með Þrótti og eignaðist svo barn. Þegar Valur heyrði svo í mér þá fannst mér spennandi að byrja að æfa aftur þar og það hefur verið mjög fínt. Ég kannast auðvitað ágætlega við mig þarna – byrjuð að mæta á völlinn þegar ég var svona þriggja ára. Mér líður vel þarna og er mjög ánægð með þjálfarana og leikmennina. Ég held að það séu spennandi tímar framundan hjá Val,“ segir Elín Metta en Valskonur mæta til leiks með nýtt þjálfarateymi, undir nýrri stjórn, eftir bikarmeistaratitil og 2. sæti í Bestu deildinni í fyrra. Breiðabliki er spáð Íslandsmeistaratitlinum í ár en Val 2. sæti. Valskonur unnu hins vegar Blika í Meistarakeppni KSÍ á föstudaginn. „Þetta eru tvö gríðarlega öflug lið og ég held að fleiri lið gætu blandað sér í slaginn. Það eru fjölmörg lið í deildinni búin að styrkja sig vel á síðustu árum og þetta fer alltaf að verða jafnara. En auðvitað stefnir Valur alltaf á að vinna allt. Breiðablik er líka með öflugan hóp. Þetta eru jöfn lið í dag svo það verður áfram gaman að mæta þeim en við þurfum líka að vera á tánum gagnvart öðrum liðum,“ segir Elín Metta. Besta deild kvenna Mest lesið Diogo Jota lést í bílslysi Fótbolti Arnar Pétursson dæmdur úr leik á Íslandsmótinu og er mjög ósáttur Sport Yfirlýsing frá Liverpool: „Ólýsanlegur missir“ Enski boltinn Allt sem við vitum um banaslys Diogo Jota Enski boltinn Glódís mætti ekki á æfingu Fótbolti Fótboltaheimurinn syrgir fallna félaga Fótbolti EM í dag: Þungt högg, óvæntur fáni og indverskur matur Fótbolti Hafnaði ágengum Egyptum en er til í að taka við félagsliði Handbolti Ásthildur Helga: Þetta var bara lélegt Fótbolti Stefán vann í stað Arnars Sport Fleiri fréttir Varð fullorðinn úti „Reisn“ yfir ákvörðun Jóns Daða sem gaf stórliðunum langt nef „Eitt það versta sem ég hef séð síðustu ár“ „Tilhugsunin um að spila fyrir annað félag sat bara ekki rétt í mér“ Jón Daði skrifar undir hjá Selfossi Ætla skrefinu lengra: „Menn muna þá tilfinningu vel“ Skellihlegið í Stúkunni: Svipuð nærvera og þegar Bjössi hitti Karabatic í Lindex Stúkan: Átti annað mark ÍA að standa og hver skoraði? Sjáðu tvennur Eiðs og Nikolaj, aukaspyrnu Kjartans og öll hin mörkin Uppgjörið: Víkingur - Afturelding 2-1 | Víkingar sluppu með skrekkinn Uppgjörið: KR - FH 3-2 | Eiður Gauti hetja KR-inga Uppgjörið: Vestri - ÍA 0-2 | Sigur í fyrsta leik Lárusar Orra Uppgjörið: Fram - ÍBV 2-0 | Sanngjarn sigur heimamanna Hverju breytir Lárus Orri hjá Skagaliðinu? Þrenna á föstudagskvöldi og háskólagráða á laugardegi Fyrsti sigur Fylkismanna í fimmtíu daga Sjáðu markaveislu Valsmanna og varamannaþrennu Kristófers bjarga Blikum Hetja Blika í kvöld lá í viku inn á spítala í janúar með blóðsýkingu Svarar ekki Óskari Hrafni: „Ég tala bara úti á velli, ekki eftir á“ ÍR-ingar gefa ekkert eftir og tóku toppsætið aftur af Njarðvík Uppgjörið: Stjarnan-Breiðablik 1-4 | Kristófer með þrennu á móti uppeldisfélaginu Uppgjörið: KA-Valur 2-5 | Valsmenn með annan stórsigurinn í röð Önnur góð Reykjavíkurferð hjá Þórsurum Obbekjær hentaði Blikum ekki og fer aftur til Færeyja Gæti orðið dýrastur í sögu KR Stjarnan staðfestir komu Caulker Þóra um hártogið í Bestu: „Þetta er bara botnhegðun“ Komin með hundrað meistaraflokksleiki fyrir nítján ára afmælið sitt John Andrews um uppsögnina: „Kom mér mjög á óvart“ KR-ingar í Melabúðinni um stöðu liðsins: „Verða að gyrða sig í brók“ Sjá meira
Elín Metta, sem er nýorðin þrítug, var mætt til æfinga með Val strax í febrúar, aðeins þremur mánuðum eftir barnsburð. „Ég fór nú frekar rólega af stað en mér finnst þetta búið að ganga vel. Maður verður auðvitað að hlusta á líkamann í svona endurkomu eftir barnsburð en það er búið að vera mjög gaman að geta komið aftur á æfingar og fengið útrás þar.“ Elín Metta mun í sumar taka slaginn með uppeldisfélagi sínu, sem hún raðaði inn mörkum fyrir fram til ársins 2022, en vill ekki vera með neinar yfirlýsingar um hvenær hún byrjar að spila. Fyrsti leikur Vals er í Bestu deildinni er gegn FH á Hlíðarenda kl. 18 í kvöld. „Verð tilbúin þegar kallið kemur“ „Ég ætla að hlusta á þjálfarana og styrktarþjálfara í þessum efnum. Menn vilja stíga varlega til jarðar svo að meiðslahættan sé ekki mikil og ég skil það og virði það. Ég er því bara þolinmóð. Mér finnst mjög gaman að mæta á æfingar og svo sjáum við til hvernig þetta þróast. Það er erfitt að spá fyrir með svona endurkomur en það hefur verið stígandi hjá mér á æfingum og ég hef alveg fengið að heyra það. Þetta er spennandi áskorun,“ segir Elín Metta og bendir á að hún geti miðlað af sinni reynslu til yngri leikmanna Valsliðsins. „Mér líður ágætlega í skrokknum og verð tilbúin þegar kallið kemur. Auðvitað tekur maður bara því hlutverki sem manni er gefið af æðruleysi. Núna er ég kannski með reynslumeiri leikmönnum í hópnum svo það er ekki bara inni á vellinum sem ég get gefið af mér. Það er skemmtilegt að þroskast þannig sem leikmaður,“ segir Elín Metta. Elín Metta Jensen hefur raðað inn mörkum fyrir Val í gegnum tíðina. Alls hefur hún skorað 132 mörk í 183 leikjum í efstu deild fyrir Valsliðið og er 27 mörkum frá meti Margrétar Láru Viðarsdóttur.Vísir/Vilhelm Þessi mikli markaskorari er í tíunda sæti yfir markahæstu landsliðskonur Íslands frá upphafi, með 16 mörk í 62 A-landsleikjum, og á í sínu safni fjóra Íslandsmeistaratitla, þrjá bikarmeistaratitla og gullskó, auk þess að hafa verið valin leikmaður ársins 2019. Hún lagði skóna á hilluna eftir tímabilið 2022 en tók þá svo fram aftur og lék með Þrótti á lokakafla tímabilsins 2023. Elín Metta staldraði stutt við í Laugardalnum 2023.Vísir/Sigurjón „Valur stefnir alltaf á að vinna allt“ „Ég var byrjuð aftur í fótboltanum þarna með Þrótti og eignaðist svo barn. Þegar Valur heyrði svo í mér þá fannst mér spennandi að byrja að æfa aftur þar og það hefur verið mjög fínt. Ég kannast auðvitað ágætlega við mig þarna – byrjuð að mæta á völlinn þegar ég var svona þriggja ára. Mér líður vel þarna og er mjög ánægð með þjálfarana og leikmennina. Ég held að það séu spennandi tímar framundan hjá Val,“ segir Elín Metta en Valskonur mæta til leiks með nýtt þjálfarateymi, undir nýrri stjórn, eftir bikarmeistaratitil og 2. sæti í Bestu deildinni í fyrra. Breiðabliki er spáð Íslandsmeistaratitlinum í ár en Val 2. sæti. Valskonur unnu hins vegar Blika í Meistarakeppni KSÍ á föstudaginn. „Þetta eru tvö gríðarlega öflug lið og ég held að fleiri lið gætu blandað sér í slaginn. Það eru fjölmörg lið í deildinni búin að styrkja sig vel á síðustu árum og þetta fer alltaf að verða jafnara. En auðvitað stefnir Valur alltaf á að vinna allt. Breiðablik er líka með öflugan hóp. Þetta eru jöfn lið í dag svo það verður áfram gaman að mæta þeim en við þurfum líka að vera á tánum gagnvart öðrum liðum,“ segir Elín Metta.
Besta deild kvenna Mest lesið Diogo Jota lést í bílslysi Fótbolti Arnar Pétursson dæmdur úr leik á Íslandsmótinu og er mjög ósáttur Sport Yfirlýsing frá Liverpool: „Ólýsanlegur missir“ Enski boltinn Allt sem við vitum um banaslys Diogo Jota Enski boltinn Glódís mætti ekki á æfingu Fótbolti Fótboltaheimurinn syrgir fallna félaga Fótbolti EM í dag: Þungt högg, óvæntur fáni og indverskur matur Fótbolti Hafnaði ágengum Egyptum en er til í að taka við félagsliði Handbolti Ásthildur Helga: Þetta var bara lélegt Fótbolti Stefán vann í stað Arnars Sport Fleiri fréttir Varð fullorðinn úti „Reisn“ yfir ákvörðun Jóns Daða sem gaf stórliðunum langt nef „Eitt það versta sem ég hef séð síðustu ár“ „Tilhugsunin um að spila fyrir annað félag sat bara ekki rétt í mér“ Jón Daði skrifar undir hjá Selfossi Ætla skrefinu lengra: „Menn muna þá tilfinningu vel“ Skellihlegið í Stúkunni: Svipuð nærvera og þegar Bjössi hitti Karabatic í Lindex Stúkan: Átti annað mark ÍA að standa og hver skoraði? Sjáðu tvennur Eiðs og Nikolaj, aukaspyrnu Kjartans og öll hin mörkin Uppgjörið: Víkingur - Afturelding 2-1 | Víkingar sluppu með skrekkinn Uppgjörið: KR - FH 3-2 | Eiður Gauti hetja KR-inga Uppgjörið: Vestri - ÍA 0-2 | Sigur í fyrsta leik Lárusar Orra Uppgjörið: Fram - ÍBV 2-0 | Sanngjarn sigur heimamanna Hverju breytir Lárus Orri hjá Skagaliðinu? Þrenna á föstudagskvöldi og háskólagráða á laugardegi Fyrsti sigur Fylkismanna í fimmtíu daga Sjáðu markaveislu Valsmanna og varamannaþrennu Kristófers bjarga Blikum Hetja Blika í kvöld lá í viku inn á spítala í janúar með blóðsýkingu Svarar ekki Óskari Hrafni: „Ég tala bara úti á velli, ekki eftir á“ ÍR-ingar gefa ekkert eftir og tóku toppsætið aftur af Njarðvík Uppgjörið: Stjarnan-Breiðablik 1-4 | Kristófer með þrennu á móti uppeldisfélaginu Uppgjörið: KA-Valur 2-5 | Valsmenn með annan stórsigurinn í röð Önnur góð Reykjavíkurferð hjá Þórsurum Obbekjær hentaði Blikum ekki og fer aftur til Færeyja Gæti orðið dýrastur í sögu KR Stjarnan staðfestir komu Caulker Þóra um hártogið í Bestu: „Þetta er bara botnhegðun“ Komin með hundrað meistaraflokksleiki fyrir nítján ára afmælið sitt John Andrews um uppsögnina: „Kom mér mjög á óvart“ KR-ingar í Melabúðinni um stöðu liðsins: „Verða að gyrða sig í brók“ Sjá meira