Fé­lagarnir í sjokki: Sjáðu stór­kost­legt mark Sigurðar Bjarts

FH-ingar hafa átt erfitt uppdráttar í sumar og sátu í fallsæti fyrir leikinn í dag en mættu öflugir til leiks gegn Vestra, sem situr í 3. sæti.

Eftir um hálftíma leik sótti FH hratt fram. Björn Daníel Sverrisson vann innkast og kastaði boltanum strax á Sigurð Bjart sem sá svo um rest. Hann vippaði boltanum frábærlega yfir vörn Vestra og kláraði færið svo með því að klippa boltann á lofti í netið.

Markið má sjá hér að neðan.

Viðbrögð samherja Sigurðar Bjarts sögðu sitt um hve stórkostlegt markið var en þeir trúðu vart eigin augum. Hann hefur nú skorað tvö mörk í deildinni í sumar.

Staðan var 1-0 í hálfleik en hægt er að skoða textalýsingu frá leiknum hér.