Vopna­hlé í Mið­austur­löndum í hættu og veiðigjöldin enn til um­ræðu

Donald Trump Bandaríkjaforseti tilkynnti óvænt um það í gærkvöldi að vopnahléi hefði verið komið á og staðfestu bæði ríkin það í morgun. Það stóð þó stutt því báðar þjóðir eru sakaðar um að hafa brotið skilmálana.

Við fjöllum einnig áfram um veiðigjaldafrumvarpið á Alþingi en fundað var fram á nótt og hafist handa að nýju í morgun. Ummæli forsætisráðherra sem féllu í Kastljósi í gær hafa vakið hörð viðbrögð. 

Að auki verður rætt við forsvarsmann fiskeldisfyrirtækis sem hefur áform um fiskeldi í Eyjafirði sem hefur vakið hörð viðbrögð hjá sumum.

Í sportpakka dagsins verður svo fjallað um leikina í fótboltanum í gærkvöldi þar sem mikill hasar var.