Lit­rík og ljúffeng búddaskál

Uppskriftin er fengin af uppskriftarsíðunni Gott og einfalt, en þar má nálgast fleiri fjölbreyttar og skemmtilegar uppskriftir fyrir alla fjölskylduna.

Tempeh Búddaskál

Innihald- fyrir fjóra

• 4 stk hvítlauksrif
• 120 ml tamarisósa (eða sojasósa)
• 60 ml hrísgrjónaedik
• 2 msk hlynsíróp
• 1 tsk srirachasósa (eða önnur chillísósa - má sleppa)
• 460 g tempeh eða tofu
• 4 dl hrísgrjón-  brún hrísgrjón eða kínóa
• 0.5 stk rauðkál
• 1 stk agúrka
• 4 stk gulrætur
• 4 stk radísur
• 2 stk avókadó
• 280 g edamame baunir
• 2 msk olía t.d. sesam- eða ólífuolía
• 4 tsk maíssterkja
• 2 msk vatn
• 4 tsk sesamfræ, hvít eða svört

Aðferð

Marinering

Takið utan af hvítlauk og saxið eða pressið. Blandið hvítlauk, tamarisósu, hrísgrjónaediki, hlynsírópi og srirachasósu saman í stóra skál og hrærið vel.

Skerið tempeh í miðlungsstóra teninga eða þríhyrninga og setjið í skál með marineringunni. Látið standa í fimmtán til þrjátíu mínútur og snúið bitunum einu sinni á meðan.

Hrísgrjón

Sjóðið hrísgrjón samkvæmt leiðbeiningum á pakkningum, oft í um 10-30 mínútur.

Grænmetið

Skolið og skerið rauðkál, gúrkur, gulrætur og radísur í strimla eða sneiðar. Skerið avókadó til helminga.

Sjóðið edamame baunir í litlum potti með vatni í um fimm mínútur. Hellið vatninu frá og látið baunirnar kólna.

Steiking

Hitið olíu á pönnu við meðalhita og steikið tempeh-bitana á öllum hliðum í um sjö til átta mínútur, eða þar til þeir eru orðnir gullinbrúnir. Geymið marineringuna í skálinni.

Bætið marineringunni út á pönnuna ásamt maíssterkju og smá vatni (um 1 msk fyrir 2 skammta, ef þarf) og hrærið vel saman. Látið sjóða við meðalhita í eina til tvær mínútur eða þar til sósan hefur þykknað lítillega.

Samsetning

Setjið soðin hrísgrjón, niðurskorið rauðkál, gúrku, gulrætur, radísur, hálft avókadó og edamame-baunir í skálar. Bætið tempeh-bitum og smá sósu í skálina og stráið að lokum sesamfræjum yfir.