Bjarni Jó kveður Sel­foss

Bjarni tók við liði Selfoss haustið 2023 og kom liðinu upp um deild með mjög svo sannfærandi hætti á sínu fyrsta tímabili, sumarið 2024.

Þá stóð liðið einnig uppi sem sigurvegari Fótbolta.net bikarsins árið 2024 og lyfti titlinum á Laugardalsvelli.

Selfoss féll hins vegar aftur niður um deild, sem voru vonbrigði fyrir félagið eins og kemur fram í tilkynningu knattspyrnudeildar Selfoss.

,,Ég vil koma á framfæri innilegum þökkum til Selfyssinga. Takk fyrir samstarfið og stuðninginn á þessum tíma sem ég hef verið þjálfari. Það hefur verið heiður að vinna með ykkur öllum og eftir sitja fullt af frábærum minningum. Ég óska ykkur alls hins besta í framtíðinni” segir Bjarni, sem er orðinn 67 ára gamall.