Brú Talent kaupir Geko Consulting

Í tilkynningu segir að Brú Talent sérhæfi sig í ráðningum stjórnenda og reyndra sérfræðinga og þjónusti mörg af stærstu fyrirtækjum landsins. 

Geko hefur verið leiðandi í tæknilegum ráðningum og starfar náið með fjölda tækni-, sprota- og vaxtafyrirtækja.

Haft er eftir Kristjáni Pétri Sæmundssyni, stofnanda Brú Talent, að Geko hafi skapað sér traust orðspor fyrir fagmennsku og framúrskarandi þjónustu. „Félögin starfa á sambærilegum sviðum en með ólíkar áherslur, sem skapar spennandi tækifæri til að nýta sameiginlega styrkleika til hagsbóta fyrir viðskiptavini okkar.“

Kristján Pétur verður framkvæmdastjóri beggja félaga.