Inga Tinna selur höllina í Borgar­túni

Þetta má sjá á fasteignavef Vísis. Inga Tinna er ein öflugasta athafnakona landsins, rekur Dineout og Sinna svo eitthvað sé nefnt. Inga Tinna á dóttur með handboltagoðsögninni Loga Geirssyni og opnaði sig meðal annars um tilfinningar sínar til kappans í október síðastliðnum.

Íbúð Ingu Tinnu í Borgartúni er fimm herbergja íbúð, 201,2 fermetrar að stærð. Árið 2023 kíkti Sindri Sindrason í heimsókn til hennar og kíkti á íbúðina í Heimsókn. Þar skoðaði hann meðal annars fataherbergi í íbúðinni.

Fram kemur á fasteignavef Vísis að 170 fermetra þaksvalir nái allan hringinn í kringum íbúðina. Í íbúðinni megi finna hjónaálmu með lúxusbaðherbergi og heitum potti svo fátt eitt sé nefnt.

Horfa má á innslag á vef Vísis úr Heimsókn árið 2023 þegar Sindri kíkti í fataherbergi Ingu Tinnu. Myndir úr íbúðinni má sjá neðar í fréttinni.