Sig­valdi skoraði fjögur mörk í stór­sigri Kolstad

Sigvaldi skoraði fjögur mörk og fiskaði eitt víti fyrir Kolstad.

Benedikt skoraði tvö mörk auk þess að gefa níu stoðsendingar fyrir Kolstad en Sigurjón stóð vaktina í markinu og varði fimm skot.

Sigvaldi er fyrirliði Kolstad og hefur verið hjá félaginu síðan 2022, og haft fjölda Íslendinga sem liðsfélaga.

Eftir að hafa spennt bogann hátt og ætlað sér stóra hluti í Evrópu hefur félagið neyðst til að draga saman seglin og farið fram á það við Sigvalda og fleiri lykilleikmenn að þeir taki á sig launalækkun.

Sigvaldi segir sín mál enn til skoðunar en það er góðs viti fyrir stuðningsmenn Kolstad að sjá hann spila með liðinu aftur eftir landsleikjahlé.