Samfélagsmiðlar á vinnu­tíma: Hversu oft og hvers vegna

Í dag eru samfélagsmiðlar hins vegar orðnir svo stór hluti af daglegu lífi flestra. 

Varlega áætlað má gera ráð fyrir að um 10% af vinnutíma fólks fari í að skrolla samfélagsmiðla á dag.  Þetta hlutfall nær þó aðeins yfir notkun samfélagsmiðla í tölvum því þetta eru tölur frá DeskTime sem mælir notkun hundruða þúsunda starfsmanna um allan heim hjá stórum alþjóðlegum fyrirtækjum.

Notkunin sýnir að skrollið á samfélagsmiðlunum byggir á stuttum en mörgum heimsóknum á samfélagsmiðlana á dag.

Ef við færum okkur hins vegar úr tölvunum og yfir í símana verða tölurnar jafnvel enn meira spennandi. Rannsóknir RescueTime sýna að fólk tékkar á símanum sínum að meðaltali 50-60 sinnum á dag. 

Þessi notkun nær þó til fleiri miðla en aðeins samfélagsmiðla. Því fólk er oft að kíkja á fréttir eða tékka á tölvupóstum, til viðbótar við að kíkja aðeins á samfélagsmiðlana.

En hvers vegna ætli fólk sé svona mikið að skoða samfélagsmiðlana á vinnutíma eða að tékka á símanum sínum? Er það bara til þess að koma í veg fyrir að missa af einhverju?

Nei, skýringarnar geta verið dýpri en það. 

Samkvæmt rannsóknum American Psychological Association (APA) nýtir fólk símann sinn sem leið til að að taka pásu frá vinnu. Sem oft felur þá í sér skroll á samfélagsmiðlum.

Skýringarnar á þessum pásum eru áhugaverðar. Því samkvæmt APA nýtir fólk símana sína sem:

Leið til að fresta erfiðum verkefnum

Flótta frá streitu og álagi

Leið til að endurhlaða hugann.

Þriðja atriðið hljómar reyndar ágætlega. Sá galli fylgir þó gjöf Njarðar að samkvæmt APA getur mikil samfélagsmiðlanotkun aukið á streitu til lengri tíma.  Samhliða því að lengja í verkefnatíma vinnustaða.

Allt er þetta líka áhugavert með tilliti til þess hvernig samfélagsmiðlarnir sjálfir eru síðan að þróast en um þá þróun má lesa í viðtali sem Atvinnulífið birti fyrir stuttu.