Elliði marka­hæstur í frá­bærum sigri

Gummersbach heimsótti stórlið Kiel í kvöld og úr varð jafn leikur þar sem gestirnir, sem leika undir stjórn Guðjóns Vals Sigurðssonar, voru skrefi á undan.

Um miðjan síðari hálfleik átti Gummersbach svo góðan kafla og leiðir skyldu. Leiknum lauk með átta marka sigri, 34-26.

Landsliðslínumaðurinn Elliði Snær Viðarsson var markahæstur á vellinum með níu mörk.

Gummersbach er í sjötta sæti deildarinnar með 31 stig, þremur á eftir Lemgo og Kiel sem eru fyrir ofan í Evrópusætum. Gummersbach á leik inni á bæði liðin.

Madgeburg vann þá Íslendingaslag við Melsungen 34-23 á útivelli.

Felix Claar fór fyrir Madgeburg með ellefu mörk úr vinstri skyttunni en Gísli Þorgeir Kristjánsson skoraði sex og lagði upp þrjú.

Reynir Þór Stefánsson skoraði fjögur fyrir Melsungen og Arnar Freyr Arnarsson tvö. Ómar Ingi Magnússon skoraði þrjú fyrir Magdeburg en Elvar Örn Jónsson komst ekki á blað gegn sínum gömlu félögum.

Magdeburg er eftir sigurinn með 42 stig á toppi deildarinnar, fimm á undan Flensburg sem er í öðru sæti. Melsungen er með 26 stig í áttunda sæti.