Rosalía og Björk slógu í gegn á Brit-hátíðinni

Rosalía flutti lagið af nýjustu plötu sinni, Lux, og kom Björk óvænt fram en lagið er dúettinn þeirra. Þær komu fram ásamt Heritage Orchestra og dansflokki. Rosalía fékk verðlaun á hátíðinni sem besti alþjóðlegi listamaðurinn. 

Í umsögn um nýjustu plötu hennar, Lux, á síðasta ári lýsti Rolling Stone UK plötunni sem „furðu metnaðarfullu stórvirki“.

„Fjórða plata söngkonunnar, sem inniheldur lög sungin á 13 tungumálum og tekin upp með Sinfóníuhljómsveit Lundúna, er átakanleg og guðdómleg stefnubreyting,“ sagði enn fremur.

Olivia Dean var stóri sigurvegari verðlaunanna með fern verðlaun, þar á meðal fyrir plötu ársins, en aðrir sigurvegarar voru Sam Fender, Wolf Alice og Geese. Hægt er að skoða alla sigurvegara hér.

Aðrir sem komu fram á verðlaunahátíðinni voru Harry Styles, Olivia Dean, Alex Warren, Sombr og Mark Ronson, sem einnig tók við verðlaunum fyrir framúrskarandi framlag til tónlistar. Robbie Williams fór fyrir sérstakri heiðursathöfn til minningar um Ozzy Osbourne og lokaði hátíðinni með laginu „No More Tears“.