Íslendingaliðið úr leik eftir tap í undan­úr­slitum

Leikurinn fór fram á Porsche Arena í Stuttgart en með Blomberg Lippe spila þær Elín Rósa Magnúsdóttir, Díana Dögg Magnúsdóttir og Andrea Jacobsen. 

Díana Dögg kom að fjórum mörkum í leiknum, skoraði þrjú og lagði upp eitt á meðan að Elín Rósa skoraði eitt mark en lagði upp heil fimm. Andrea komst ekki á blað í markaskorun. 

Svekkjandi úrslit fyrir Blomberg Lippe en þessi tvö lið eru þau bestu í Þýskalandi um þessar mundir og há þessa dagana harða baráttu á toppi þýsku úrvalsdeildarinnar. Þar er Dortmund með eins stigs forystu á toppi deildarinnar þegar að sautján umferðir hafa verið leiknar.