Eduard Koksharov fallinn frá

Koksharov hafði þjálfað Meshkov Brest í Belarús síðan 2023. Þar áður stýrði hann Krasnodar og Rostov-Don í heimalandinu og Vardar í Norður-Makedóníu. Þá var Koksharov landsliðsþjálfari Rússlands á árunum 2017-20.

Koksharov, sem lék sem vinstri hornamaður, átti afar farsælan feril sem leikmaður.

Hann varð bæði heims- og Ólympíumeistari með rússneska landsliðinu og var alls sex sinnum valinn í úrvalslið HM og EM. Koksharov skoraði 1.100 mörk í 226 landsleikjum á árunum 1996-2012.

Stærstan hluta ferilsins lék Koksharov með Celje í Slóveníu. Hann varð átta sinnum slóvenskur meistari með liðinu og vann Meistaradeild Evrópu með því 2004.