Íslendingaliðið á­fram eftir frá­bæran sigur

Fredericia vann fyrri leik liðanna 35-29 í Danaveldi og því ljóst að leikmenn Melsungen þyrftu að taka á honum stóra sínum í Þýskalandi í kvöld.

Melsugen náði snemma undirtökunum í leiknum og byggði hægt og rólega upp forskot sitt. Þrátt fyrir gott forskot var staðan nokkuð jöfn í einvíginu framan af þar sem forysta Melsungen í leiknum var lengi vel í kringum sex mörkin.

Þjóðverjarnir sigu enn frekar fram úr eftir því sem leið á leikinn og unnu níu marka sigur, 35-26 og einvígið samanlagt 64-61.

Hvorki Reynir Þór Stefánsson né Arnar Freyr Arnarsson komust á blað hjá Melsungen í kvöld.

Einar úr leik

Einar Bragi Aðalssteinsson og hans menn í Kristianstad féllu úr leik í kvöld eftir fimm marka tap fyrir Nexe frá Króatíu. Króatarnir höfðu unnið tveggja marka sigur í Svíþjóð og leikur kvöldsins var jafn stóran part.

Heimamenn settu í fluggír í síðari hálfleik og slitu Kristianstad frá sér. Nexe vann 32-27 sigur og einvígið samanlagt 68-61.

Einar Bragi var markahæstur í liði Kristianstad ásamt Axel Mansson en báðir skoruðu fimm mörk en Einar skoraði þau fimm mörk úr 13 skotum.