Bjarki klikkaði ekki á skoti í toppslagnum

Veszprem vann leikinn 30-24 eftir að hafa verið 11-14 undir í hálfleik. Liðið kom til baka í seinni hálfleik sem liðið vann með níu mörkum, 19-10.

Þetta var Íslendingaslagur og barátta tveggja efstu liða deildarinnar. Eftir sigurinn er Veszprem með sex stiga forskot á Szeged en allt bendir til að þau mætist í úrslitaeinvíginu um titilinn en tvö efstu liðin komast í úrslitakeppnina.

Bjarki Már nýtti öll fimm skotin sín fyrir Veszprem og átti flottan leik. Króatinn Ivan Martinovic var markahæstur með sjö mörk en Egyptinn Ahmed Hesham skoraði sex mörk.

Bjarki skoraði tvö mörk á fyrstu þrettán mínútum leiksins og tvö síðustu mörkin á síðustu fjórum mínútunum. Hann skoraði tvö af mörkunum úr vítaköstum og eitt þeirra í tómt mark.

Janus Daði Smárason skoraði tvö mörk úr þremur skotum hjá Szeged.