Reynir marka­hæstur í þungu tapi

Leikur liðanna í kvöld varð aldrei spennandi. Flensburg lék á heimavelli og náði snemma undirtökunum. Liðið bætti jafnt og þétt við forystu sína eftir því sem leið á leikinn og Melsungen átti hreinlega engin svör.

Reynir Þór skoraði sjö marka Melsungen í 40-30 tapi. Aðeins vinstri hornamaðurinn Emil Jakosen skoraði fleiri, en hann setti níu fyrir Flensburg. Arnar Freyr Arnarsson skoraði eitt mark fyrir Melsungen í kvöld.

Flensburg er í sjöunda sæti deildarinnar með 34 stig, stigi á eftir Lemgo og fimm stigum frá Kiel sem er í fimmta sætinu, neðsta Evrópusæti deildarinnar.

Flensburg er með þriðja sæti með 45 stig, sjö stigum frá Íslendingaliði Magdeburgar sem er með afgerandi forsytu á toppi deildarinnar.