Íslendingaliðið tryggði sér odda­leik

Um annan leikinn í einvígi liðanna var að ræða. Kolstad hafði tapað þeim fyrsta með þremur mörkum og var því með bakið upp við vegg komandi inn í leik dagsins. Tap hefði þýtt að liðið væri úr leik í baráttunni um norska meistaratitilinn.

Jafnræði var með liðinum lengst af og stóðu leikar 13-13 í hálfleik. Kolstad þó sterkari aðilinn í seinni hálfleik og sigldi að lokum heim þriggja marka sigri, 33-30.

Benedikt Gunnar Óskarsson skoraði þrjú mörk fyrir Kolstad í dag á meðan að Sigvaldi Björn Guðjónsson komst ekki á blað.