Magnaður Einar Bragi með ellefu mörk í fyrsta úr­slita­leiknum

Einar var eiginlega alveg ótrúlegur og skoraði ellefu mörk í öruggum sigri Kristianstad. Hann var markahæstur hjá liðinu en næstur á eftir Einari var Axel Mansson með átta mörk.

Jafnræði var með liðunum þar til um miðjan seinni hálfleik þegar Christoffer Brännberger, leikmaður Malmö, fékk rautt spjald. Kristianstad nýtti tækifærið og tók afgerandi forystu sem liðið lét ekki af hendi. Einar skoraði síðasta mark leiksins og tryggði fimm marka 39-34 sigur.

Gengið hefur á ýmsu hjá Einari í þessari úrslitakeppni en hann átti sína bestu frammistöðu hingað til í kvöld.

Þrjá sigra þarf til að standa uppi sem sænskur meistari spilað verður á þriggja daga fresti þar til sigurvegari er fundinn.