Donni og fé­lagar komnir í úr­slit

Kristján Örn Kristjánsson, einnig þekktur sem Donni, skoraði fjögur mörk í 33-26 sigri SAH á GOG í seinni viðureign liðanna í undanúrslitum dönsku úrvalsdeildarinnar í handbolta. SAH vinna því viðureigninga 2-0.

Úrslitaleikurinn verður þá SAH á móti Álaborg en þeir hafa unnið deildina síðustu tvö tímabil. Hinsvegar er þetta fyrsti úrslitaleikur SAH og hafa því Donni og félagar tækifæri á að verða Danmerkurmeistarar í fyrsta skipti félagsins.

Álaborg sigraði Mors-Thy 2-0 í hinni undanúrslitaviðureigninni.

Donni á að baki 33 A-landsleiki fyrir íslenska landsliðið og hefur skorað í þeim 61 mark.