Týndi sjálfri sér til að þóknast öðrum

Dóra Júlía Agnarsdóttir skrifar 28. maí 2026 11:30

Tónlistarkonan Diljá Pétursdóttir var að senda frá sér lag og tónlistarmyndband. Aðsend

„Lagið dregur fram þá togstreitu sem getur myndast þegar leitast er eftir samþykki, jafnvel á kostnað eigin velferðar,“ segir tónlistarkonan Diljá Pétursdóttir sem var að gefa út lagið Ó Rómeó ásamt tónlistarmyndbandi.

Diljá vakti fyrst athygli með sigri sínum í Söngvakeppninni árið 2023 og sem fulltrúi Íslands í Eurovision. Hún er óhrædd við að vera hrá í textasmíði sinni og með þessu lagi sýnir hún enn persónulegri og einlægari hlið.

Samhliða útgáfunni kemur út tónlistarmyndband í leikstjórn Ásgeir Sigurðsson, en kvikmyndataka var í höndum Antons Karls Kristenssen. Myndbandið styður að sögn Diljár við tilfinningaheim lagsins og fangar spennuna á milli ástar, óvissu og sjálfsleitar sem liggur að baki verkinu.

Hér má sjá myndbandið:

Klippa: Diljá Pétursdóttir - Ó Rómeó

„Lagið markar nýjan kafla í minni tónlistarsköpun þar sem persónulegri textar fá aukið rými. Ó Rómeó fjallar um að týna sjálfum sér til að þóknast öðrum, að gefa of mikið af sér í sambandi þar til eigin rödd og sjálfsmynd fer að dofna.

Lagið dregur fram þá togstreitu sem getur myndast þegar leitast er eftir samþykki eða ást frá Rómeó, jafnvel á kostnað eigin velferðar,“ segir Diljá.

Lagið var samið af Diljá ásamt Hákoni Guðni sem jafnframt framleiddi lagið. Hér má hlusta á það á streymisveitunni Spotify.

Tónlist Ástin og lífið