Velti sinni stöðu fyrir sér þegar eitt stykki Aron vildi verða þjálfari

Sigursteinn breytir um hlutverk og verður aðstoðarþjálfari Arons. Á blaðamannafundinum hélt Steini hjartnæma ræðu.

„Ég hef notið hverrar einustu mínútu í starfinu mínu,“ segir Steini.

Vildirðu vera áfram aðalþjálfari liðsins?

„Í fyrsta lagi var ég náttúrulega bara með samning og það var ekkert annað í kortunum en svo bara komu upp hlutir eins og til dæmis það að Aron hafði áhuga á því að verða þjálfari. Ég er búinn að vera í sjö ár sem er langur tími. Mig skorti ekki neina orku til að halda áfram með mitt verkefni en stundum þarf maður bara aðeins að staldra við og velta fyrir sér hvað er bara best í stöðunni og þegar þú ert með eitt stykki Aron kláran þá finnst mér það vera ákveðin no brainer.“

Hann segist hafa átt góð samtöl við Aron á síðustu vikum.

„Og svona hvernig við myndum sjá hlutina fyrir okkur. Titillinn, aðstoðar, aðal, jú jú, en þú veist, ég mun bara vera all in í því sem ég hef verið að gera og mun bara styðja Aron á allan mögulegan hátt,“ segir Sigursteinn en hér að neðan má sjá viðtalið í heild sinni.