Höttur slítur sam­starfi og FHL heyrir sögunni til

FHL náði sögulegum árangri þegar liðið vann sig upp í Bestu deildina og spilaði þar í fyrra, fyrst liða frá Austurlandi síðan Höttur lék þar árið 1994.

FHL féll hins vegar strax aftur niður í Lengjudeildina og endaði þar í 6. sæti á nýafstaðinni leiktíð.

Nú hefur Höttur rekstrarfélag tilkynnt að búið sé að slíta samstarfi um rekstur FHL. 

„Ástæður uppsagnarinnar eru meðal annars þær að meginþorri leikmanna kemur frá Hetti og nú er lag að spila meistaraflokki kvenna undir merkjum Hattar. Samkvæmt aðildarsamningi RH og KFA tekur Höttur sæti félagsins við slit og mun því leika í Lengjudeildinni að ári,“ segir í tilkynningu Hattar rekstrarfélags.