Erlent

Fréttamynd

Fjögur hundruð fíklar sagðir liggja í valnum eftir á­rásir Pakistana

Ráðamenn í Afganistan segja að rúmlega fjögur hundruð manns hafi dáið og 250 særst í loftárás Pakistana á meðferðarmiðstöð í Kabúl. Pakistanar segja Talibana ljúga og að nákvæmar loftárásir hafi þess í stað verið gerðar á hernaðarlega mikilvæg skotmörk og skotmörk sem tengjast hryðjuverkastarfsemi.

Erlent

Fréttir í tímaröð

Fréttamynd

Segjast hafa sent tvo hátt­setta Írani til „dýpstu kima hel­vítis“

Varnarmálaráðherra Ísrael segir að Ali Larijani, forseti þjóðaröryggisráðs Íran, hafi verið felldur í loftárás í nótt. Þá segjast Ísraelar einnig hafa banað yfirmanni Basij-sveitanna svokölluðu en það eru sveitir sjálfboðaliða sem heyra undir íranska byltingarvörðinn. Þessar sveitir hafa verið sakaðar um umfangsmikil ódæði gegn mótmælendum í Íran.

Erlent
Fréttamynd

Frost í kolefnisföngun í Sví­þjóð

Hætt hefur verið við eða hlé gert á rúmum helmingi af stærstu kolefnisföngunarverkefnum sem áformuð voru í Svíþjóð. Stefna sænskra stjórnvalda um kolefnishlutleysi á næstu tuttugu árum byggir að hluta til á að kolefni verði fangað í auknum mæli.

Erlent
Fréttamynd

Hóta að svipta fjöl­miðla leyfinu vegna um­fjöllunar um stríðið

Stjórnarformaður Fjarskiptastofnunar Bandaríkjanna hótar að svipta fjölmiðla leyfinu eftir að bandarískt dagblað birti frétt um að Íranir hefðu gert árás á bandarískar herflugvélar í Sádí-Arabíu. Trump-liðar hafa lýst mikilli óánægju vegna umfjöllunar fjölmiðla um stríðið í Íran.

Erlent
Fréttamynd

Rýnt í kosningarnar í Fær­eyjum: Frændur slást um lögmannsstólinn

Fimmtudaginn 26. mars ganga frændur okkar í Færeyjum til þingkosninga sem gætu reynst örlagaríkar eins og svo margar. Þinginu var slitið í óþökk stærsta hluta ríkisstjórnarinnar og með svikabragði að mati sumra. Það bætir einnig í dramatíkina að líklegasta lögmannsefnið samkvæmt nýjustu skoðanakönnunum er bróðursonur sitjandi lögmanns.

Erlent
Fréttamynd

John Alford fannst látinn í fangelsinu

Leikarinn John Alford er látinn. Hann lést föstudaginn 13. mars í HMP Bure fangelsinu í Norfolkfangelsi, tveimur mánuðum eftir að hann var dæmdur fyrir kynferðisbrot gegn tveimur unglingsstúlkum. 

Erlent
Fréttamynd

Líbanon viður­kenni Ísrael sem ríki

Líbönsk stjórnvöld hafa samþykkt tillögu frá Frökkum sem leggur grunn að friðarviðræðum við Ísrael. Tillögurnar eru sagðar kveða á um að Líbanon viðurkenni Ísrael sem ríki en Ísraelsmenn búa sig nú undir aukinn landhernað í Líbanon í von um að leysa upp Hezbolla.

Erlent
Fréttamynd

Hóta höfnum eftir á­rás á „krúnudjásnið“

Bandaríkin gerðu árás á aðalútflutningshöfn Írana í nótt og írönsk stjórnvöld hóta nú að ráðast á hafnir í Sameinuðu arabísku furstadæmunum, sem gæti valdið talsverðri stigmögnun á stríðinu í Mið-Austurlöndum. Bandaríkjaforseti heldur því fram að Bretar, Kínverjar og Frakkar ætli meðal annars að aðstoða við að tryggja örugga olíuflutninga um Hormússund en téð ríki eiga enn eftir að staðfesta það. Enn hefur ekkert sést til æðstaklerks Írans.

Erlent
Fréttamynd

Skó­sveinn Trumps í allt of stórum skóm

Donald Trump Bandaríkjaforseta er mikið í mun að karlmenn í ríkisstjórn sinni klæðist ákveðnu skómerki sem er í miklu uppáhaldi hjá forsetanum. Svo annt er honum um skótískuna í Hvíta húsinu að menn eru farnir að óttast að láta sjást í öðru, jafnvel þegar skórnir passa ekki einu sinni.

Erlent
Fréttamynd

For­seti Kúbu segir við­ræður við Trump-liða eiga sér stað

Forseti Kúbu segir ríkisstjórn landsins eiga í viðræðum við ríkisstjórn Donalds Trump í Bandaríkjunum. Þessum viðræðum sé ætlað að bæta samskipti ríkjanna og finna lausnir á því hvernig þau geti unnið saman. Bandaríkjamenn hafa komið í veg fyrir olíuflutninga til Kúbu og hefur verulega slæmt efnahagsástand þar versnað til muna.

Erlent
Fréttamynd

Kvarnast upp úr græn­lensku lands­stjórninni

Siumut-flokkurinn er hættur þátttöku í landsstjórn Grænlands vegna ágreinings við samstarfsflokkanna sem tengast yfirvofandi þingkosningum í Danmörku. Vivian Motzfeldt sem mikið hefur mætt á sem utanríkisráðherra undanfarið hverfur þannig úr ríkisstjórnin.

Erlent
Fréttamynd

Allir sex látnir eftir að her­flug­vél brot­lenti í Írak

Allir sex í áhöfn bandarískrar eldsneytisflutningaflugvélar sem brotlenti í Írak í gær eru látnir. Ástæður slyssins eru enn til rannsóknar en svo virðist sem tvær flugvélar af gerðinni KC-135 hafi skollið saman við dælingu eldsneytis í háloftunum yfir Írak í gær. Önnur hafi þá hrapað til jarðar en flugmönnum hinnar tókst að lenda í Ísrael.

Erlent
Fréttamynd

Svíar stöðvuðu annað skuggaskip

Starfsmenn Strandgæslu Svíþjóðar (Kustbevakningen) og sænskir sérvseitarmenn gerðu í gær áhlaup um borð í olíuflutningaskip sem talið er tilheyra „Skuggaflotanum“ svokallaða. Þetta er í annað sinn á viku sem Svíar stöðva skip úr þessum flota en Rússar nota hann til að komast hjá viðskiptaþvingunum og refsiaðgerðum.

Erlent
Fréttamynd

Tvær mis­heppnaðar hryðju­verka­á­rásir á einum degi

Yfirvöld í Bandaríkjunum hafa tvær meintar hryðjuverkaárásir sem framdar voru í gær til rannsóknar. Í einu tilfelli keyrði maður gegnum dyr á bænahúsi gyðinga í Michigan og hóf þar skothríð. Sá var felldur af öryggisvörðum. Í hinu tilfellinu ruddist maður inn í skólastofu í háskóla í Virginíu og skaut þar til bana yfirmann í bandaríska hernum.

Erlent
Fréttamynd

Franskur her­maður féll í drónaárás í Írak

Emmanuel Macron, forseti Frakklands, fordæmdi í nótt drónaárás í norðurhluta Íraks. Nokkrir franskir hermenn særðust og einn yfirmaður lét lífið í árásinni. Hermennirnir hafa verið að þjálfa írakska Kúrda í að berjast gegn vígahópum á svæðinu.

Erlent
Fréttamynd

Banda­rísk her­flug­vél fórst í Írak

Björgunaraðgerðir eru hafnar eftir að bandarísk herflugvél sem ætlað var að flytja eldsneyti fórst í Írak. Þetta kemur fram í tilkynningu sem yfirstjórn herafla Bandaríkjanna í Miðausturlöndum sendi frá sér í dag. Þar greinir einnig frá því að tvær herflugvélar hafi átt hlut að máli en að önnur þeirra hafi lent heilu og höldnu á meðan hin fórst í vesturhluta Íraks.

Erlent