Allt er vænt sem vel er grænt 15. júlí 2004 00:01 Þótt nýjabrumið sé vissulega farið af Shrek og félögum er ekki annað hægt en að skemmta sér konunglega á þessum öðrum kapítula þökk sé drepfyndnu handriti og glænýjum persónum. Nú er komið að því að Shrek þarf að hitta tengdaforeldrana í fyrsta sinn. Lífsreynsla sem allir í heiminum, raunverulegum sem ímynduðum, eru nett óttaslegnir við. Ekki bætir úr skák að tengdaforeldrar Shrek eru konungbornir og hafa ekki hugmynd um að tengdasonurinn er stórt, illa lyktandi, grænt tröll. Shrek og frú ferðast til lands sem kallast "Lang-langt í fjarska" og minnir óneitanlega á Hollywood. Fjórfætta aðstoðardýr Shreks, Asni, er með í för og býður upp á endalaust grín. Svo virðist sem Eddie Murphy sé loks að fá langþráð "come back" og hlýtur að teljast nokkuð íronískt að það sé í þessu formi. Annar senuþjófur er Stígvélaði kötturinn sem er, í fyrsta lagi, ótrúlega vel hannaður (þrívíddarlega séð) og í öðru lagi frábærlega talsettur af spænska sjarmatröllinu Antonio Banderas. Eini dragbítur myndarinnar er Disney-legur boðskapurinn, illa falinn og nett móðgandi. Hvernig væri að treysta áhorfendum einu sinni til að lesa á milli línanna og draga sínar eigin ályktanir? Hápunktarnir, og þeir eru margir, hefja myndina samt upp og þegar leikar standa hæst og grínið er í algleymingi er hrein unun að sökkva sér inn í þennan litríka og stórskrýtna heim. Shrek 2 Leikstjórn: Andrew Adamson, Kelly Asbury Aðalhlutverk: Mike Myers, Eddie Murphy, Cameron Diaz Kristófer Dignus Mest lesið Matti Matt nú meistari Lífið Sætustu systur landsins skáluðu fyrir Birni Lífið Fréttatía vikunnar: Clint Eastwood, útivistarsvæði og óvenjuleg lending Lífið Jóhanna Guðrún gæsuð Lífið Yfir tvö hundruð tryllitæki sýnd um helgina Lífið samstarf Í Love Island eftir lífshættulegt slys Lífið Sydney Sweeney selur sápu úr skítugu baðvatni sínu Lífið Mikið um dýrðir á þjóðardegi Íslands í Japan Lífið Brad Pitt tjáir sig í fyrsta skipti um skilnaðinn Lífið Hamingjusöm pör noti mikið samanburð við aðra Lífið Fleiri fréttir KK og Sinfó: Clint Eastwood mætti í Eldborg Carmina Burana sem maður vill helst gleyma – hvað fór úrskeiðis í Hörpu? Klækir, prettir og kardínálaklíkur í páfakjöri Bryan Adams breytti Eldborg í grátkór íslenskra karla Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Sjá meira
Þótt nýjabrumið sé vissulega farið af Shrek og félögum er ekki annað hægt en að skemmta sér konunglega á þessum öðrum kapítula þökk sé drepfyndnu handriti og glænýjum persónum. Nú er komið að því að Shrek þarf að hitta tengdaforeldrana í fyrsta sinn. Lífsreynsla sem allir í heiminum, raunverulegum sem ímynduðum, eru nett óttaslegnir við. Ekki bætir úr skák að tengdaforeldrar Shrek eru konungbornir og hafa ekki hugmynd um að tengdasonurinn er stórt, illa lyktandi, grænt tröll. Shrek og frú ferðast til lands sem kallast "Lang-langt í fjarska" og minnir óneitanlega á Hollywood. Fjórfætta aðstoðardýr Shreks, Asni, er með í för og býður upp á endalaust grín. Svo virðist sem Eddie Murphy sé loks að fá langþráð "come back" og hlýtur að teljast nokkuð íronískt að það sé í þessu formi. Annar senuþjófur er Stígvélaði kötturinn sem er, í fyrsta lagi, ótrúlega vel hannaður (þrívíddarlega séð) og í öðru lagi frábærlega talsettur af spænska sjarmatröllinu Antonio Banderas. Eini dragbítur myndarinnar er Disney-legur boðskapurinn, illa falinn og nett móðgandi. Hvernig væri að treysta áhorfendum einu sinni til að lesa á milli línanna og draga sínar eigin ályktanir? Hápunktarnir, og þeir eru margir, hefja myndina samt upp og þegar leikar standa hæst og grínið er í algleymingi er hrein unun að sökkva sér inn í þennan litríka og stórskrýtna heim. Shrek 2 Leikstjórn: Andrew Adamson, Kelly Asbury Aðalhlutverk: Mike Myers, Eddie Murphy, Cameron Diaz Kristófer Dignus
Mest lesið Matti Matt nú meistari Lífið Sætustu systur landsins skáluðu fyrir Birni Lífið Fréttatía vikunnar: Clint Eastwood, útivistarsvæði og óvenjuleg lending Lífið Jóhanna Guðrún gæsuð Lífið Yfir tvö hundruð tryllitæki sýnd um helgina Lífið samstarf Í Love Island eftir lífshættulegt slys Lífið Sydney Sweeney selur sápu úr skítugu baðvatni sínu Lífið Mikið um dýrðir á þjóðardegi Íslands í Japan Lífið Brad Pitt tjáir sig í fyrsta skipti um skilnaðinn Lífið Hamingjusöm pör noti mikið samanburð við aðra Lífið Fleiri fréttir KK og Sinfó: Clint Eastwood mætti í Eldborg Carmina Burana sem maður vill helst gleyma – hvað fór úrskeiðis í Hörpu? Klækir, prettir og kardínálaklíkur í páfakjöri Bryan Adams breytti Eldborg í grátkór íslenskra karla Þetta er ástæðan fyrir því að þú átt aldrei að bjóða óperusöngvara í matarboð Spegill, spegill, herm þú mér, hve léleg endurgerðin er Rislítil ástarsaga Sjá meira